E fundit!

10:57 Aktualitet

Rama i nxjerr “simpatizantes” së Iranit foton me kryeshërbëtorin famkeq të Ajatollahëve

Në protestat e zhvilluara prej më shumë se tri javësh në T...

Plagosja me armë zjarri në Domje/ Arrestohet një person, shpallet në kërkim vëllai i tij

17 Tetor 2025, 08:51, Kronika CNA

Plagosja me armë zjarri në Domje/ Arrestohet një person, shpallet

Një plagosje me armë zjarri ka ndodhur pasditen e djeshme në Domje. Sipas informacioneve, 32-vjeçari që dyshohet se ka qëlluar me armë zjarri është shpallur në kërkim, ndërsa në pranga është vënë vëllai i tij, 36 vjeç.

Gjatë kontrollit në banesën e tij, u gjet dhe u sekuestrua 1 armë zjarri, municion luftarak, 2 radio policie dhe sende të tjera të kundërligjshme.

Ngjarja ka ndodhur pas një konflikti për motive të dobëta, ku një 26-vjeçar u plagos me armë në këmbë dhe shoku i tij u godit me sende të forta. Policia po punon për kapjen e autorit dhe identifikimin e shtetasve të tjerë të përfshirë në këtë ngjarje.

Njoftimi i policisë:

DVP Tiranë

Vijojnë hetimet për zbardhjen e rrethanave të ngjarjes së ndodhur dje, në hyrje të Domjes, ku u plagos me armë zjarri një 26-vjeçar.

Identifikohet dhe shpallet në kërkim një 32-vjeçar, i cili dyshohet se ka qëlluar me armë zjarri pistoletë, 26-vjeçarin, gjatë një konflikti për motive të dobëta.

Arrestohet vëllai i 32-vjeçarit, pasi iu gjet në banesë dhe u sekuestruan, 1 armë zjarri pistoletë, municion, 2 radio policie dhe sende të tjera të kundërligjshme.

26-vjeçari vijon të marrë mjekim në spital dhe është jashtë rrezikut për jetën.

Specialistët për Hetimin e Krimeve të Komisariatit të Policisë Nr. 7, në vijim të veprimeve hetimore të kryera në drejtimin e Prokurorisë, për zbardhjen e rrethanave të ngjarjes së ndodhur dje, në hyrje të Domjes, ku u plagos me armë zjarri një 26-vjeçar, kanë identifikuar dhe shpallur në kërkim autorin e dyshuar të plagosjes, shtetasin:

-G. M., 32 vjeç, banues në Domje.

Gjithashtu, u arrestua vëllai i 32-vjeçarit, shtetasi J. M, 36 vjeç, pasi në vijim të veprimeve hetimore, u krye kontroll në banesën e tij, ku u gjetën dhe u sekuestruan 1 armë zjarri, municion luftarak, 2 radio policie dhe sende të tjera të kundërligjshme.

Punohet për identifikimin e shtetasve të tjerë të përfshirë në këtë ngjarje dhe për dokumentimin e plotë të rrethanave të saj.

Materialet procedurale i kaluan Prokurorisë, për veprime të metejshme. /CNA