web counter
LEXO PA REKLAMA!

SHKARKO APP

App Store
Google Play

Plagosja në Domje/ Zbardhen detaje, 2 të rinj të lënduar nga ngjarja

16 Tetor 2025, 14:59, Kronika CNA

Plagosja në Domje/ Zbardhen detaje, 2 të rinj të lënduar nga

Zbardhen detaje të reja nga ngjarja e pak minutave më parë te mbikalimi i Domjes.

Mësohet se janë lënduar dy të rinj, një 25-vjeçar me plagosje me armë zjarri dhe një 22-vjeçar është dëmtuar me sende të forta.

Siç njoftohet nga burime policore, këta shtetas po marrin mjekim, ndërkohë që po vijojnë kontrollet për kapjen e autorëve.

Njoftimi i Policisë:

Rreth orës 13:50, tek mbikalimi i Domjes, gjatë një konflikti për motive të dobëta dyshohet se është plagosur me armë zjarri në këmbë shtetasi F. A., rreth 25 vjeç, i cili ndodhet në spital, jashtë rrezikut për jetën si dhe është dëmtuar dyshohet me sende të forta shtetasi G. L., rreth 22 vjeç, i cili po merr mjekim në spital, jashtë rrezikut për jetën.

Shërbimet e Policisë kanë ngritur pika kontrolli në hyrje/dalje të kryeqytetit dhe vijojnë kontrollet në zonë e në ambiente të ndryshme, për kapjen e autorit/ve.

Ndërkohë, është ngritur një grup i posaçëm hetimor, i cili, nën drejtimin e Prokurorisë, po punon intensivisht për sqarimin e rrethanave dhe dokumentimin ligjor të rastit./CNA





Lajmet e fundit nga