web counter
LEXO PA REKLAMA!

SHKARKO APP

App Store
Google Play

E fundit!

x

Artan Hoxha nxjerr videon/ “Maneci” dhe Avdylaj, ndërmjetës për të marrë gjobën 500 mijë euro

6 Tetor 2022, 22:01, Kronika CNA
Artan Hoxha nxjerr videon/ “Maneci” dhe Avdylaj,
Gazetari Artan Hoxha

Gazetari Artan Hoxha ka publikuar një video ku tregon se si disa persona të skeduar nga policia dhe Prokuroria po negociojnë për një gjobë prej 5000 eurosh.

I ftuar në emisionin "Opinion", Artan Hoxha shpejgoi të gjithë ngjarjen në video ku protagonistë ishin Arben Mërkuri i njohur dhe me pseudonimin “Maneci” i cili u vra në maj 2022, dhe Astrit Avdyli, i dalë në përgjimet e dosjes 339 për blerje votash në zgjedhje.

Hoxha thekson se personat e shfaqur në video kanë një rol ndërmjetës dhe po diksutojnë me nënën e një personi që i është vendosur 500 mijë euro gjobë.

 “Është një ngjarje qe ka ndodhur më 31 maj të vitit 2018. Ky mjeti është i blinduar, këtu në fund është një makinë tjetër me katër persona të armatosur. Ky këtu është Maneci ose Arben Mërkuri për të cilin vëllezërit Beqiraj kanë folur dhe thonë se si ka ndodhur vrasja e tij. Ky është i njohur te dosja '339', është Astrit Avdyli, një nga vëllezërit Avdylaj. Kjo ngjarje është para se të bëheshin arrestimet e 339, kjo histori ka vazhduar edhe sot. Në këtë ngjarje ka pasur në rrugë operative një denoncim… Këtu pas kësaj dere është një grua e vjetër, ajo ka vetëm një djalë. Djalit të saj i është vënë një gjobë 500 mijë euro, ai ka paguar 240 mijë. Po e bëj që të hetohet dhe ky njeri dhe familja e tij të shpëtojnë. Gjoba nuk është vënë nga këta persona, këta kanë hyrë ndërmjetës. Kanë ardhur te nëna e tij se ka ndier rrezikun e ka ikur. Për këtë ngjarje ka pasur informacion tek autoritetet. Çfarë ka ndodhur për këtë ngjarje? Ka ndodhur arrestimi për shkak të 339 për shkak të zgjedhjeve. Atje janë bërë disa përgjime që unë nuk e kuptoj si i kanë hequr nga dosja, ku flitet deri dhe për blerje antitanke. Ato materiale janë hequr dhe ato kanë penguar hetimet. Ai ka paguar 240 mijë euro dhe nuk e ka blerë lirinë e vet e është larguar nga Shqipëria sepse i rrezikohej jeta. Në këto raste qëllimisht i hiqen ato fletët e përgjimeve”,-tha Hoxha./ CNA.al





Lajmet e fundit nga