web counter
LEXO PA REKLAMA!

SHKARKO APP

App Store
Google Play

Alibej zbërthehet: Për vrasjen e Ramazanit isha unë i interesuari, kam paguar 75 mijë euro

10 Qershor 2025, 16:23, Kronika CNA

Alibej zbërthehet: Për vrasjen e Ramazanit isha unë i

Erjon Alibej i kthyer në të penduarin e drejtësisë ka zbërthyer gjatë seancës së sotme në GJKKO detaje nga vrasja e Emiliano Ramazanit.

Alibej ka rrëfyer se më i interesuari për vrasjen e Ramazinit ishte vetë ai.

Ai ka treguar se ka paguar 75 mijë euro për vrasjen e Emiliano Ramazanit.

“Për vrasjen e Emiljano Ramazanit, informator kishim përveç Nuredinit, edhe Eljo Bitrin dhe Xhuljano Hoxhën.

(Avokati i Xhuljano Hoxhës: I pandehur Xhuljano Hoxha ka kërkuar të jetë prezent kur t’i përmendet emri i tij. Prokuroria nuk e konsideron arsye për të ndërprerë seancën pasi mund t’i vihen në dispozicion regjistrimi me audio).

Ne donim që ta vrisnim Emiljano Ramazanin për faktin se ishte më aktivi që kishin grupi i Çopjave dhe Bujar Çela. Si punë përsipër këtë gjë e morën Henrik Hoxha dhe Skerdi Tase, për ta eliminuar fizikisht pra Emiliano Ramazanin. Ka pasur 2-3 raste që vrasja ka mbetur në tentativë dhe nuk ka qenë e munduar që të bëhet vrasja.

Ditën kur është vrarë, Emiliano Ramazani ka qenë në palestër, Henrik Hoxha ka qenë shofer dhe Skerdi Tase ka bërë rolin e ekzekutorit. Ka ardhur aty makina e Emiliano Ramazanit dhe kur Emiliano ka fikur makina, e ka vrarë Henrik Hoxhaj me pistoletë TT. Pas ekzekukutimit, kanë vijuar rrugën dhe në daljen e Elbasanit, e kanë lënë armën në dalje të fshatit Brosh, me idenë që do ktheheshin prapë e do futeshin tek shtëpia e Bujar Çelës. Henrik Hoxha shpesh herë merrte makina me qira, për të kryer vrasje.

Emiliano Ramazanin e kam njohur si mikun e Mikael Qoses. Kam qenë tip komunikues gjithmonë, çdo gjë që e kam bërë e kam folur edhe me Nuredinin. Nuk merrja vendim as unë e as ai, ai bënte organizime dhe unë isha dakord për çdo gjë. Për të vrarë Emilianon, kam qenë unë i interesuar. Për këtë vrasje, kam pasur informator Xhuljano Hoxhën, Nuredin Dumanin dhe Eljo Bitrin.

Xhuljano Hoxha ka qenë në dijeni për vrasjen e Emiliano Ramazanit. E kam paguar dhe për këtë rast. Për çdo vrasje do të paguheshin 100 mijë euro. Për vrasjen e Ramazanit kam paguar 75 mijë euro. Kaq më ka thënë Nuredini. Pasi është vrarë Emiljano, kam çuar Arsen Preçin te Rrethrrotullimi i Teg-ut, e ka pritur një vajzë në taksi. Asaj ia ka dhënë paratë”, tha Alibej./ CNA





Lajmet e fundit nga