E fundit!

07:16 Ekonomi

Kursi i këmbimit, e enjte, 25 qershor 2026

Këtë të enjte një dollar amerikan blihet me 82.3 lekë dhe ...

Pezullohen nga detyra 4 efektivët e doganës së Kapshticës

10 Qershor 2025, 14:26, Kronika CNA

Katër efektivët e doganës së Kapshticës, të arrestuar ditën e shtunë, janë lënë të lirë.

Gjykata e Korçës ka vendosur pezullimin nga detyra për katër efektivët e Pikës Kufitare të Kapshticës.

Ndërsa për drejtuesin e automjetit në të cilin u gjet lënda narkotike, e dyshuar heroinë, u vendos masa e sigurisë “Arrest me burg”. Ndaj tyre rëndon akuza për "Shpërdorim detyre".

Mjeti me 6 kg heroinë ishte lejuar nga efektivët të kalonte në pikën kufitare të Kapshticës.

Avokati Nevzat Tarelli, i cili mbron një nga katër efektivët, pas seancës gjyqësore tha se mbrojtja nuk sheh asnjë element komprometues për vepër penale.

Tarelli e ka cilësuar të paligjshëm ndalimin e katër efektivëve.

Sa i përket vendimit për pezullim nga detyra, Tarelli tha se do të apelohet pasi sipas tyre nuk ka vepër penale.

“Gjykata pranoi pjesërisht kërkesën e prokurorisë. Ka deklaruar të paligjshëm arrestimin e punonjësve të policisë dhe ka pranuar kërkesën për caktim mase sigurimi personal me karakter ndalues, atë të "pezullimit nga detyra".

Nga prokuroria u pretendua vlerësimi si i drejtë dhe i ligjshëm i arrestit për të gjithë dhe është kërkuar kjo masë sigurimi me karakter ndalues. Nga mbrojtja është kundërshtuar fort në dy kërkesat e veta, pasi ne nuk shohim në materialet e dosjes asnjë element komprometues për ekzistencën e veprës penale të shpërdorimit të detyrës. Pra për arrestin besoj se të gjitha palët kanë qenë të qarta se nuk ka qenë i motivuar në kuptimin e flagrancës sepse nuk ka pasur gjë flagrante. Ky ka qenë gjithë diskutimi dhe gjithë debati që është zhvilluar në seancë. Arrestimi i paligjshëm ka të bëjë kur një person kapet me sende ose prova që tregojnë se e ka kryer veprën penale, pra është në kushtet e flagrancës. Në rastin konkret, shpërdorimi i detyrës është një vepër penale e cila nuk mund të konstatohet kaq lehtë, kërkon veprime verifikuese, hetime për të konkluduar nëse ekziston ose jo vepra penale. Në këtë kuptim gjendja e flagrancës nuk motivohet në arrestimin flagrant, përjashtuar rasteve shumë të rralla që mund të jenë të dukshme. Në rastin konkret jo vetëm që s'ka qenë e dukshme sepse e tillë është procedura, pasi punonjësit e policisë kanë marrë pjesë në dokumentimin e veprës penale të trafikimit, pra janë përfshirë në kryerjen e veprimeve hetimore qoftë në skaner, qoftë në dokumentimin e rastit. Janë pyetur si deklarues dhe çuditërisht janë arrestuar. Kjo e bën në vetvete arrestimin jo në përputhje me ligjin procedurial penal. Këtë ka konstatuar edhe gjykata.

Absolutisht që do ta apelojmë. Unë, bashkë me kolegët e palës mbrojtëse të punonjësve të policisë, mendojmë që nuk ka vepër penale dhe nuk plotësohen

kushtet e përcaktimit të masave të sigurimit personal dhe kjo është e papranueshme që të pezullohen nga detyra ata njerëz që në fakt janë pjesë e hallkës së kapjes dhe dokumentimit të rastit të trafikimit të lëndëve narkotike. Për këtë arsye do ankimohet menjëherë sapo të kemi vendimin e gjykatës. Rezultati i kapjes është meritë e AMP, ata kanëpasur informacionin, ata kanë organizuar edhe kapjen. Ajo që thashë unë, pjesa e punonjësve të policisë është që këta punonjës policie, pasi mjeti është futur në skaner, janë përfshirë të gjithë në dokumentimin e rastit, pra nuk mund të marrin merita që nuk i kanë. Por në veprimet e tyre, nuk gjendet asnjë element në mospërmbushje të detyrës. Është punë rutinë e zakonshme dhe për më tepër klienti, të cilin unë mbroj që ishte në pozicionin e përgjegjësit të turnit dhe është shumë e largët që ai të jetë në të gjitha vendet e shërbimeve në të njëjtin moment kohor", tha avokati./ CNA