web counter
LEXO PA REKLAMA!

SHKARKO APP

App Store
Google Play

Dhunoi mbesën/ Konfliktohen dy vëllezër në Paskuqan

10 Qershor 2025, 10:44, Kronika CNA

Dhunoi mbesën/ Konfliktohen dy vëllezër në Paskuqan

Policia ka ndaluar përshkallëzimin e një konflikti mes dy vëllezërve në Paskuqan. M. M., 61 vjeç, qëlloi me armë zjarri në ajër për të kanosur vëllanë e tij, A. M., 63 vjeç, ky i fundit dyshohet se kishte dhunuar vajzën e 61-vjeçarit.

Efektivët kanë vënë në pranga dy vëllezërit dhe kanë sekuestruar armën e zjarrit bashkë me municionin luftarak.

 

 

Njoftimi i policisë

 

Tiranë/Ndërhyrja e menjëhershme e Policisë, parandaloi përshkallëzimin e një konflikti me armë zjarri, në një familje në Paskuqan.

Qëlloi me armë zjarri automatik në ajër, për të kanosur vëllanë e tij, arrestohet 61-vjeçari (shtetas me precedent).

Në pranga dhe vëllai, pasi dhunoi vajzën e 61-vjeçarit.

Gjenden në banesën e 61-vjeçarit dhe sekuestrohen arma e zjarrit kallashnikov, municion luftarak dhe 1 mjet prerës (sëpatë).

Shërbimet e Komisariatit të Policisë Nr. 5, sapo janë njoftuar për një konflikt mes 2 vëllezërve në Paskuqan, kanë organizuar punën dhe kanë shkuar në vendngjarje, për të nxjerrë autorët para përgjegjësisë penale dhe për të sqaruar rrethanat e rastit.

Si rezultat i ndërhyrjes së menjëhershme, shërbimet e Policisë kanë neutralizuar të dy shtetasit e përfshirë në konflikt, konkretisht M. M., 61 vjeç (me precedent për kundërshtim të punonjësit të Policisë) dhe A. M., 63 vjeç, vëllezër, të cilët në përfundim të veprimeve procedurale u arrestuan në flagrancë.

Nga veprimet hetimore të kryera dyshohet se shtetasi M. M. qëlloi me armë zjarri kallashnikov, në ajër, për të kanosur shtetasin A. M., i cili i kishte dhunuar vajzën.

Materialet procedurale iu referuan Prokurorisë së Tiranës, për veprime të mëtejshme.





Lajmet e fundit nga