web counter
LEXO PA REKLAMA!

SHKARKO APP

App Store
Google Play

Tentoi të digjte fqinjin me benzinë/ Arrestohet 32-vjeçari në Librazhd

10 Qershor 2025, 13:32, Kronika CNA

Tentoi të digjte fqinjin me benzinë/ Arrestohet 32-vjeçari

Një 32-vjeçar në Librazhd është vënë në pranga pasi tentoi të vriste fqinjin e tij.

I arrestuari e ka lyer me benzinë 75-vjeçarin dhe i ka vënë flakën.

75-vjeçari është dërguar në spitalin e Prrenjasit për ndihmë mjekësore. 

Sipas policisë, konflikti ka ndodhur për motive të dobëta.

 

Njoftimi i policisë

 

Librazhd

Tentoi të vriste duke e djegur me lëndë djegëse benzinë fqinjin, gjatë një konflikti për motive të dobëta, arrestohet menjëherë pas ngjarjes, autori.

Shërbimet e Policisë menjëherë pas marrjes së njoftimit se në spitalin e Prrenjasit ka shkuar për të marrë mjekim shtetasi S. O., 75 vjeç, dyshuar i djegur me lëndë djegëse, kanë kryer veprimet hetimore dhe operacionale për zbardhjen e rrethanave të rastit dhe identifikimin dhe kapjen e autorit.

Si rezultat i veprimeve të shpejta u bë identifikimi, kapja dhe arrestimi në flagrancë i shtetasit G. O., 32 vjeç.

Nga veprimet hetimore rezulton se, gjatë një konflikti për motive të dobëta, 32-vjeçari dyshohet se në ambientet e jashtme të banesës së 75 vjeçarit ka hedhur benzinë dhe më pas i ka vënë flakën ku si pasojë është dëmtuar shtetasi S. O., 75 vjeç, i cili ndodhet në kujdesin e mjekëve.

Materialet procedurale iu referuan Prokurorisë pranë Gjykatës së Juridiksionit të Përgjithshëm Elbasan, për veprime të mëtejshme.





Lajmet e fundit nga