web counter
LEXO PA REKLAMA!

SHKARKO APP

App Store
Google Play

Akuzohet së paku për 51 vjedhje/ Çmontohet banda e "skifterave" në Greqi, tre adoleshentë shqiptarë në pranga

28 Nëntor 2022, 16:55, Kronika CNA
Akuzohet së paku për 51 vjedhje/ Çmontohet banda e
Foto Ilustruese

Autoritete greke kanë çmontuar një bandë të huajsh që kryenin në mënyrë sistematike vjedhje në zona të ndryshme të Atikës.

Nga hetimet paraprake deri më tani janë zbardhur 51 raste të vjedhjeve, në periudhën 7 prill 2021 deri më 18 nëntor 2022.

Në veçanti, sipas ELAS-it, tre shqiptarë të moshës 16, 17 dhe 18 vjeç janë arrestuar si anëtarë të bandës, por edhe për shkelje të legjislacionit për substancat narkotike, pasi posedonin 40.48 gramë kanabis. Gjithashtu, u identifikuan edhe tetë anëtarë të tjerë të bandës, dy prej të cilëve janë në burg.

Sa i përket mënyrës së veprimit, të pandehurit kanë hyrë kryesisht në automjete të parkuara, duke hequr nga brenda tyre sende me vlerë. Në të njëjtën kohë ata kryenin vjedhje nëpër shtëpi, dyqane dhe zyra.

Të arrestuarit u dërguan në Prokurorinë Penale të Athinës, ndërsa hetimet po vijojnë për kapjen e pjesëtarëve të mbetur të organizatës kriminale./CNA.al Burimi: Capital.gr





Lajmet e fundit nga