LEXO PA REKLAMA!

SHKARKO APP

Kishin planifikuar një vrasje në Dibër/ Si e zbuloi SPAK planin e 4 djemve të arrestuar për kokainën në Fier

27 Nëntor 2022, 17:36, Kronika CNA
Kishin planifikuar një vrasje në Dibër/ Si e zbuloi SPAK planin e
Klajdi Kodra

Pak ditë më parë 4 të rinj përfunduan në pranga të policisë në kuadër të operacionit të përbashkët të policisë shqiptare, malazeze dhe DEA-s amerikane, ku u zbulua dhe një laborator droge në Fratar të Fierit.

4 të djemtë u identifikuan si: Klajdi Kodra, Bledar Matoshi, Kid Koshena dhe Redion Meshi.

TV Klan raporton se këta persona kishin planfikuar të kryenin një vrasje në zonën e Dibrës. Ka qënë pikërisht ky informacion që është administruar nga policia dhe që i ka detyruar ata të ndërhyjnë menjëherë.

Arrestimi i djemve është bërë në rrugën e Arbrit, teksa të rinjtë po udhëtinin me një mjet të tipit “Range Rover”, në pronësi të Klajdi Kodrës.

Brenda makinës u gjetën 2 kallashnikov, 2 pistoleta dhe municion luftarak. 

Ky plan u zbulua nga SPAK dhe Policia e Shtetit, gjatë kohës kur djemtë ishin nën përgjim në kuadër të operacionit “Konsistenca”, ku u vunë  në sekuestro 430 kilogramë kokainë.

Kujtojmë se 3 të rinjtë janë emra të njohur për policinë (Bledar Matoshi, Kod Koshena, Klajdi Kodra), ishin emra të njohur për policinë, pasi më herët ishin arrestuar për vepra të ndryshme penale si: armëmbajtje pa leje dhe plagosje e rëndë.

“Qarkullonin me automjet, në të cilin mbanin 2 armë zjarri pistoleta, vihen në pranga 4 shtetas, 3 prej tyre me precedentë kriminalë, në fushën e armëmbajtjes pa leje dhe krimeve kundër personit. Policia gjen edhe 2 armë zjarri kallashnikovë që i posedonte njëri prej personave të arrestuar. Sekuestrohen gjithsej, në kuadër të këtij operacioni, 4 armë zjarri (2 pistoleta dhe 2 kallashnikovë).

Si rezultat i këtij operacioni, u kapën në flagrancë dhe u vunë në pranga shtetasit: Bledi Matoshi, 33 vjeç; Kedi Koshena, 28 vjeç; Klajdi Vrioni (Kodra), 32 vjeç dhe Redion Meshi, 22 vjeç. Shërbimet e Policisë ndaluan në hyrje të fshatit Tujan, në rrugën e Arbërit, automjetin tip ‘Range Rover’, të cilin qarkullonin këta 4 shtetas” – thuhej në njoftimin e policisë./CNA.al

Lajmet e fundit nga