web counter
LEXO PA REKLAMA!

SHKARKO APP

App Store
Google Play

E fundit!

x

Shkatërrohet karteli/ Furnizonte 1/3 e Europës me kokainë, arrestohen 49 persona nga Spanja në Dubai

28 Nëntor 2022, 16:14, Kronika CNA

Shkatërrohet karteli/ Furnizonte 1/3 e Europës me kokainë,

Një megaoperacion i Europol, i shtrirë në disa shtete, ka goditur një rrjet të trafikut të kokainës në Europë.

Konkretisht operacioni policor i koduar “Drita e shkretëtirës” është shtrirë në Spanjë, Francë, Belgjikë, Holandë dhe Emiratet e Bashkuara Arabe.

Si rezultat, Europol në bashkëpunim me autoritetet e secilit vend të përmendur më lart, kanë arrestuar 49 persona.

Sipas policisë spanjolle, lideri i organizatës është një “shtetas britanik”, i cili u largua nga baza e tij e mëparshme në Costa del Sol për t’u fshehur në Dubai, ku edhe është vënë në pranga.

“Lordi i drogës”, me personat e kapur kishin formuar atë që njihej si një "super karteli", që kontrollonte rreth një të tretën e tregtisë së kokainës në Europë. 

Europol njofton se shkalla e importit të kokainës në Europë nën kontrollin dhe komandën e të dyshuarve ishte masive dhe mbi 30 ton drogë u sekuestruan nga forcat e rendit gjatë hetimeve.

6 nga personat e arrestuar fshiheshin në Dubai, ku edhe janë arrestuar. Ndërkohë, emrat e 49 anëtarëve të kartelit ende nuk janë bërë me dije./ B.A. – CNA.al





Lajmet e fundit nga