LEXO PA REKLAMA!

SHKARKO APP

Video skandal- Dhunoi psikologjikisht vajzën me autizëm/ Përfundon seanca gjyqësore për mjekun shqiptar

28 Nëntor 2022, 12:55, Kronika CNA
Video skandal- Dhunoi psikologjikisht vajzën me autizëm/
Logopedi, Iljasa Fazliu

Ka përfunduar seanca gjyqësore për mjekun logoped, Iljasa Fazliu.

Avokati i tij është shprehur se Fazliu është duke qëndruar në spitalin regjional të Gjilanit për trajtim.

Për shkak të problemit shëndetësor seanca u mbajt në Spitalin Rajonal të Gjilanit.

“Po është mbajtur seanca dëgjimore, mirëpo për shkak të gjendjes shëndetësore të klientit tim, seanca është mbajtur në spitalin Regjional të Gjilanit”.- është shprehur avokati Huruglica.

Më tej ai shprehet se logopedi ka shprehur keqardhje për shprehjet të cilat i ka përdorur dhe se nuk ka dashur të ndodhin.

“Ka shpreh keqardhje të thellë për shprehjet që i ka përdor, pasi që ato nuk i takojnë karakterit dhe personalitetit të tij, mirëpo puna që e bën dhe ndjeshmëria e rasteve ka ndikuar që i njëjti të bëjë lëshim që nuk ka dashur të ndodh, mirëpo sa i përket veprës për të cilën po hetohet nuk është përmbushur asnjë element i kësaj vepre pra Trajtim i Pandërgjegjshëm mjekësor”, tha Huruglica në një prononcim për gazetën "Sinjali".

Avokati shtoi se ende janë në pritje të vendimit nga gjykata lidhur me kërkesën e prokurorisë.

Kujtojmë se ditën e djeshme Kosovë bëri bujë rasti i një mjeku i cili dyshohet se ka dhunuar psikologjikisht një vajzë 5-vjeçare me autizëm.

Pamjet bënë xhiron e rrjetit, ku mjeku Ilir Fazlia shfaqet teksa i flet me një fjalor të rëndë vajzës së vogël.

”Plaç atje…Ik atje budallicë, ta q*ft bota nanen…ik aty… jepja bre topin q*ja nanen qaty… nalu ta q*ft dreqi nanen…çka po don çka, çka?… na e lodhe b*hen”, këto janë fjalët që u dëgjuan në videon e publikuar dje.

Më pas kur familjarët kishin parë këto pamje, kanë sulmuar fizikisht mjekun.

Logopedi Iljasa Fazliu është arrestuar nën dyshimin se ka ushtruar dhunë ndaj vajzës së vogël dhe sot pritet të mbahet seanca.

Por për shkak të problemeve shëndetësore seanca pritet të mbahet në Spitalin e Gjilanit, raporton gazeta "Sinjali".

Sakaq i njëjti burim ka paraqitur edhe dosjen e Prokurorisë lidhur me këtë rast.

Logopedi Iljasa Fazliu, i cili banon në Prishtinë dhe me profesion është defektolog – logoped, që ushtron detyrën e shefit të shërbimit të Logopedisë në QKUK po dyshohet  se ka kryer veprën penale “Trajtim i pandërgjegjshëm mjekësor”. Ai rrezikon të dënohet me 1 vit burgim, por në rast se gjendja e viktimës përkeqësohet, atëherë mund të dënohet me jo më shumë se 3 vjet burgim.

Prokuroria Themelore në Gjilan ka bërë kërkesë për caktimin e masës së paraburgimit ndaj tij, duke vlerësuar se është përmbushur kushti  themelor që ka të bëjë me ekzistimin e dyshimit të bazuar, se i njëjti ka kryer këtë vepër penale.

Ai dyshohet se gjatë ditës së djeshme, në cilësinë e mjekut “ka përdorur metodë të papërshtatshme për trajtim dhe nuk ka zbatuar rregullat e profesionit të logopedit, ashtu që gjatë seancës për trajtim të fëmijës me autizëm, ka përdorur fjalë të ndryshme ofenduese dhe degraduese, duke i bërtitur me tone të larta “ik.. ik atje, ti koke budallicë, ta q* bota nanën” dhe fjalë të tjera, duke mos iu përmbajtur kështu parimeve etike dhe profesionale gjatë ushtrimit të kujdesit shëndetësor, me ç’rast kanë ndikuar në keqësimin e gjendjes shëndetësore të fëmijës”.

Prandaj, Prokuroria ka kërkuar që ai bashkë me dy të dyshuarit që e kanë sulmuar të dërgohet në paraburgim, pasi raportet mes tyre janë aq të acaruara dhe nëse të njëjtit lihen në liri mund ta përsërisin veprën, ose të kryejnë vepër tjetër me pasojë edhe më të rënda.

Rrahja e mjekut që i parapriu arrestimit

"Sinjali" ka siguruar pamje ekskluzive të rrahjes së mjekut, në lokalin Metro, në rrugën “Mulla Idrizi” në Gjilan, dje pasdite, ku shihet se si sulmohet nga dy të dyshuarit e tjerë.

Burimet nga Prokuroria kanë bërë me dije se dy të dyshuarit për sulm ndaj mjekut janë Isak Shala dhe Rilind Vllasaliu. Ata janë arrestuar nën dyshimin për kryerjen e veprës penale “Sulm ndaj personit zyrtar” dhe tashmë ndodhen nën masën e ndalimit policor.

Ndryshe, nga SHSKUK kanë deklaruar se me të parë lajmin kanë kërkuar nga drejtori i Klinikës së Otorinolaringologjisë, nën menaxhimin e së cilës klinikë është Shërbimi i Logopedisë, që të procedojë me ndërmarrjen e masave konform legjislacionit në fuqi.

“Shërbimi Spitalor Klinik dhe Universitar i Kosovës, me të parë publikimin në medie, për rastin që ka ndodhur jashtë institicionit të QKUK-së, e për të cilin nuk kemi qenë të informuar, ka kërkuar nga drejtori i Klinikës së Otorinolarongologjisë, nën menaxhimin e së cilës klinikë është Shërbimi i Logopedisë, që të procedojë me ndërmarrjen e masave konform legjislacionit në fuqi” – thanë nga drejtoria e SHSKUK./CNA.al

Lajmet e fundit nga