web counter
LEXO PA REKLAMA!

SHKARKO APP

App Store
Google Play

E fundit!

x

33 vatra zjarri në dy ditë, njëri prej tyre në biznesin në autostradë/ Identifikohen 28 autorë

24 Shtator 2023, 20:08, Kronika CNA

33 vatra zjarri në dy ditë, njëri prej tyre në biznesin

Gjatë 48 orëve të fundit, në të gjithë vendin u evidentuan 33 vatra zjarri.

Njëri prej këtyre zjarreve është rasti i djegies së biznesit të borjave "Deutsch Color", në autostradën Tiranë-Durrës.

Sapo është vënë në dijeni, policia angazhoi 79 specialistë për hetimin e krimit dhe ekspertë kriminalistë, për të kryer veprimet hetimore për rastet e zjarrvënieve.

Si rezultat u identifikuan 28 autorë të dyshuar të zjarrvënieve, nga të cilët 11 u arrestuan në flagrancë, 16 u proceduan në gjendje të lirë, ndërsa një u shpall në kërkim.

Sa i përket shuarjeve të zjarreve, në terren dolën 440 punonjës policie, në ndihmë të shërbimeve zjarrfikëse dhe të emergjencave civile.

Shërbimet e Policisë, në shumë raste bënë evakuimin e banorëve, duke qenë se banesat dhe lokalet rrezikoheshin të përfshiheshin nga flakët.

Policia e Shtetit apelon për qytetarët që në asnjë rast të mos ndezin zjarre, pasi ky veprim përbën krim dhe ndëshkohet penalisht.

Gjithashtu, i fton ata që të denoncojnë në numrin 112, çdo rast të tillë, me qëllim ndërhyrjen e menjëhershme për shuarjen e flakëve dhe për procedimin penal të shtetasve përgjegjës./ CNA





Lajmet e fundit nga