web counter
LEXO PA REKLAMA!

SHKARKO APP

App Store
Google Play

E fundit!

x

Zëdhënësja e shtypit e DeSantis regjistrohet "me vonesë" si agjente e huaj pas kërkesës nga Departamenti i Drejtësisë

9 Qershor 2022, 17:41, Kosova & Bota CNA
Zëdhënësja e shtypit e DeSantis regjistrohet "me
Christina Pushaw

Zëdhënësja e shtypit e Guvernatorit të Floridës, Ron DeSantis (R-FL), Christina Pushaw, u regjistrua si agjente e huaj më 6 qershor, pasi u kontaktua nga Departamenti i Drejtësisë në SHBA.

Pushaw depozitoi aplikimin për regjistrim, siç e kërkon ligji, më shumë se dy vjet pasi ajo përfundoi punën e paguar për ish-presidentin e Gjeorgjisë, Mikheil Saakashvili – i cili më vonë u bë politikan ukrainas.

Washington Post raportoi të mërkurën se Pushaw e bëri "me vonesë" regjistrimin si rrjedhojë e kontaktit nga Ministria e Drejtësisë.

Regjistrimi i i saj, i cili daton më 6 qershor, konfirmonte se puna e saj për Saakashvilin "përfshinte menaxhimin e perceptimit, marrëdhëniet me publikun, si dhe përgatitjen dhe shpërndarjen e materialeve informative për një audiencë ndërkombëtare, duke përfshirë këtu persona dhe subjekte amerikanë".

Sipas Washington Post, Pushaw nuk e ka fshehur faktin që ajo ka qenë konsulente në Gjeorgji dhe punonte si "drejtoreshë e një organizate jofitimprurëse "të fokusuar në fuqizimin e të rinjve përmes arsimimit dhe mundësive të zhvillimit profesional" me bazë në Tbilisi, kryeqyteti i Gjeorgjisë".

Avokati i Pushaw, Michael Sherwin, deklaroi: "Përpjekjet e saj përfshinin shkrimin e artikujve kritikë, kontaktin me mbështetësit dhe zyrtarët, dhe lobimin në emër të tij në Gjeorgji dhe në Shtetet e Bashkuara".

“Puna përfundoi në vitin 2020. Znj. Pushaw u njoftua së fundmi nga Departamenti i Drejtësisë se puna e saj në emër të z. Saakashvilli me shumë gjasa e detyronte të regjistrohej në FARA (Akti i Regjistrimit per Agjentet e Huaj). Zonja Pushaw aplikoi për regjistrim në mënyrë retroaktive sapo u informua”, shtoi Sherwin.

Në një intervistë me një media lokale, Pushaw iu përgjigj informacioneve për regjistrimin e saj si agjente e huaj si një "përpjekje për shpifje".

Pushaw është republikania më e fundit e profilit të lartë që është regjistruar si agjente e huaj. Muajin e kaluar, mega-donatori republikan dhe ish-kryetari i financave i Komitetit Kombëtar Republikan u regjistrua si agjent i huaj që vepronte në emër të Kinës.

Verën e kaluar, Tom Barrack, një mik i vjetër i Donald Trump, i cili kryesoi komitetin e inaugurimit të Trump e që mblodhi më shumë se 100 milionë dollarë, u akuzua se veproi si agjent i një qeverie të huaj, përkatësisht, i Emirateve të Bashkuara Arabe, dhe për pengim të drejtësisë./CNA.al





Lajmet e fundit nga