web counter
LEXO PA REKLAMA!

SHKARKO APP

App Store
Google Play

E fundit!

x

Vrasja e 17-vjeçarit nga polici në Francë/ Macron: Është e pashpjegueshme, e pafalshme

28 Qershor 2023, 16:40, Kosova & Bota CNA
Vrasja e 17-vjeçarit nga polici në Francë/ Macron:
Presidenti i Francës, Emmanuel Macron

Presidenti i Francës, Emmanuel Macron, ka reaguar në lidhje vrasjen e 17-vjeçarit nga policia, pasi i riu nuk iu bind urdhrave për të ndaluar makinën që po drejtonte.

Macron u shpreh se vrasja e adoleshentit është “e pafalshme” dhe shtoi se “asgjë nuk e justifikon” ndarjen nga jeta të një të riu.

“Kemi një adoleshent që është vrarë. Është e pashpjegueshme, e pafalshme”, u shpreh ai.

Reagimi i presidentit francez vjen pas protestave për vrasjen që përfshinë rajonin e Parisit gjatë natës së shkuar.

Nahel, u qëllua të martën në makinën e tij, pasi nuk ndaloi kur u urdhërua.

Një video që qarkullon në rrjetet sociale, tregon një oficer policie që i drejton armën shoferit të një makine dhe më pas dëgjohet një e shtënë. Fill pas kësaj përplaset makina.

Adoleshenti ndërroi jetë si pasojë e plagëve të plumbave në gjoks, pavarësisht ndihmës së urgjencës.

Oficeri policor që dyshohet se qëlloi, u arrestua nën akuzën për vrasje.

Nael është personi i dytë që vritet këtë vit në Francë nga të shtënat e policisë në trafik. Vitin e kaluar, 13 persona u vranë në këtë mënyrë.

Vrasja e Naelit nxiti një seri protestash mbrëmjen e së martës në Nantere, zonë në perëndim të Parisit, ku u vra adoleshenti.

Disa makina dhe kosha plehrash u dogjën, ndërsa stacione të autobusëve u shkatërruan. Së paku 24 persona u arrestuan pas trazirave.

Në përgjigje të tyre, Qeveria franceze njoftoi se do të ketë përforcime policore në rrugë./ CNA.al





Lajmet e fundit nga