web counter
LEXO PA REKLAMA!

SHKARKO APP

App Store
Google Play

Gruaja në Kosovë harron çantën me 13 mijë euro në autobus/ Punonjësi ia kthen mbrapsht

28 Qershor 2023, 16:26, Kosova & Bota CNA
Gruaja në Kosovë harron çantën me 13 mijë euro
Foto ilustruese

Një ngjarje e pazakontë që reflekton anën e mirë njerëzore ka ndodhur në Kosovë.

Një zonjë me dy fëmijë ka arritur të rigjejë çantën me 13 mijë euro brenda që kishte harruar në një urban në Prishtinë. Ngjarja ka ndodhur mbrëmjen e 20 qershorit.

Drejtori i Operativës në Trafikun Urban, Mentor Isufi, tha se çanta është gjetur nga një punonjës i kompanisë së transportit, i cili ka ndjekur të gjitha udhëzimet që kompania ka për raste të tilla.

“Në momentin që ka hyrë punonjësi i pastrimit, ai ka vepruar në mënyrë të drejtë. E ka dërguar te zyra qendrore. E ka marrë dhe e ka dorëzuar te zona e vendeve të humbura, sipas udhëzimit që kemi bërë ne. As punonjësi ynë dhe askush tjetër nuk lejohet ta hapë çantën pa pronarin”, u shpreh ai.

Sipas Isufit, çanta është hapur në momentin që zonja ka mbërritur në qendrën e ndalimit të autobusëve.

“Ka ardhur ajo zonja duke qarë e bërtitur, derisa punonjësi s'e ka kuptuar se çfarë po ndodhte. Më pas, punonjësit e kanë qetësuar, duke e çuar te zyra. Ajo ka treguar detajet e çantës, punonjësi më tej është bindur që është personi që kishte çantën. Punëtori ynë s’e ka ditur se sa para ka pasur në çantë. Ajo nga qarja prej dëshpërimit, ka vijuar me qarje gëzimi. Kur ka hapur çantën, e pyetëm se çfarë shume ke? Ajo u përgjigj, 13 mijë euro. Ajo ka bërë edhe një letër falënderimi”, shtoi drejtori i Operativës në Trafikun Urban./ CNA.al





Lajmet e fundit nga