web counter
LEXO PA REKLAMA!

SHKARKO APP

App Store
Google Play

E fundit!

x

Vijojnë kërkimet për 6 persona/ Çfarë mund të ketë shkaktuar fundosjen e jahtit të Sicilisë

21 Gusht 2024, 14:15, Kosova & Bota CNA

Vijojnë kërkimet për 6 persona/ Çfarë mund të

Kërkimet vazhdojnë për 6 persona, të cilët ishin në bordin e një jahti luksoz, i cili u fundos në brigjet e Sicilisë mëngjesin e së hënës. Shumë pyetje janë ngritur lidhur me fundosjen e jahtut. Sipas aplikacionit të gjurmimit të anijeve, jahti u largua nga porti sicilian i Milazzo-s më 14 gusht dhe u gjurmua për herë të fundit në lindje të Palermos të dielën në mbrëmje, me një status lundrimi "në spirancë".

Besohet se anija është goditur nga një tornado mbi ujë. Ka raporte të veçanta që direku i varkës është këputur gjatë stuhisë së frikshme dhe faktorë të tjerë në fundosjen e varkës përfshijnë hyrjen e ujit përmes kapave dhe dyerve, të cilat ishin lënë të hapura për shkak të motit të ngrohtë në brigjet italiane. A u këput direku i jahtit? Ky i fundit u ndërtua në 2008 dhe u riparua për herë të fundit në 2020. Bayesian kishte një direk 75 m (246 ft) për të cilin pretendohet se është më i larti prej alumini në botë.

Kapiteni i një jahti tjetër të ankoruar aty pranë në kohën e stuhisë, tha se kishte një "shpërthim shumë të fortë tornadoje" dhe atij iu desh të luftonte për ta mbajtur anijen e tij të qëndrueshme. Ai pa direkun e Bayesianit "të përkulej dhe më pas u këput", sipas gazetës së përditshme italiane "Corriere della Sera". Zyrtarë nga autoritetet përgjegjëse u shprehën se është e vështirë të thuhet nëse direku u thye. Që nga mesi i qershorit, deti që rrethon Sicilinë - pellgun perëndimor të Mesdheut - ka përjetuar një valë të fortë të nxehti.

Shërbimi i ndryshimeve klimatike të Bashkimit Evropian, raportoi se temperaturat e sipërfaqes së detit në rajon kanë tejkaluar vazhdimisht 30°C (86F) - katër gradë më të larta se mesatarja 20-vjeçare për këtë periudhë të vitit. Sipas një dëshmitari gjithçka ka ndodhur brenda 60 sekondave. Deri më tani rojet bregdetare italiane kanë arritur të gjejnë trupin e pajetë të kuzhinierit kanadez. Gjashtë persona tjerë po cilësohen si të zhdukur, përfshirë pronarin e jahtit, manjatin britanik dhe vajzën e tij./ CNA





Lajmet e fundit nga