web counter
LEXO PA REKLAMA!

SHKARKO APP

App Store
Google Play

Vazhdon saga e dorëheqjeve të ministrave/ Boris Johnson përballë presionit

6 Korrik 2022, 19:35, Kosova & Bota CNA
Vazhdon saga e dorëheqjeve të ministrave/ Boris Johnson
Kryeministri i Britanisë së Madhe, Boris Johnson

Kryeministri i Britanisë së Madhe, Boris Johnson, po përballet me një situatë të vështirë, pasi një grup tjëtër ministrash të kabinetit po përgatiten t'i japin atij dorëheqjen dhe t’i kërkojnë të largohet.

Në sagën e dhjetëra ligjvënësve që janë “rebeluar” ndaj Johnsonit, është edhe Sekretari Parlamentar i Thesarit Chris Heaton-Harris dhe Sekretari i Shtetit për Uellsin, Simon Hart.

Ndonëse Johnson u zotua se do të luftonte, pavarësisht dorëheqjeve tronditëse, situata shfaqet aspak e qetë nga ligjvënësit e zemëruar nga një sërë skandalesh.

Johnson tha se ai kishte një "mandat kolosal" nga zgjedhjet e vitit 2019 dhe do të "vazhdonte" të qëndronte në detyrë.

Kujtojmë se kjo situatë filloi të martën, pas dorëheqjeve tronditëse të kancelarit Rishi Sunak dhe sekretarit të Shëndetësisë, Sajid Javid.

Ata dhanë dorëheqjen në pak minuta diferencë nga njëri-tjetri, pas një mosmarrëveshjeje për vendimin e Johnson për të emëruar zëvendës-shefin Chris Pincher, ndonëse ky i fundit është përfshirë në një skandal për ngacmim seksual.

Largimet e tyre u pasuan një valë dorëheqjesh të mëtejshme, pasi ministrat e akuzojnë për shkelje të standardeve në jetën publike dhe i kanë kërkuar të japë dorëheqjen për të mirën e vendit.

Kryeministri britanik ka kohë që përballet me akuza, përfshirë edhe për organizimin e festave gjatë kohës së pandemisë së koronavirusit. Gjithashtu Boris Johnson i mbijetoi një mocioni mobesimi në qershor. / B.A. – CNA.al





Lajmet e fundit nga