web counter
LEXO PA REKLAMA!

SHKARKO APP

App Store
Google Play

"Universal Music" prish kontratën me "TikTok"-un/ Përdoruesit s'mund të kenë akses në këngët e yjeve botërore

31 Janar 2024, 12:38, Kosova & Bota CNA

"Universal Music" prish kontratën me "TikTok"-un/

"Universal Music" po tërheq miliona këngë të saj nga rrjeti social "TikTok", pasi negociatat e tyre për pagesën dështuan. Lëvizja mund të nënkuptojë që përdoruesit e platformës nuk do të kenë më akses në këngët e artistëve si Taylor Swift, The Weeknd dhe Drake.

Universal ka akuzuar "TikTok"-un për "ngacmim" dhe pretendon se rrjeti social ishte i gatshëm të paguante vetëm një "pjesë" të asaj që paguajnë rrjetet e tjera për qasje në katalogun e tyre të gjerë. 

Megjithatë, përfaqësuesit e platformës pretendojnë se "Universal" ka bërë një deklaratë të pavërtetë.

Kompanitë muzikore fitojnë para nga honoraret për publikimin dhe transmetimin e këngëve të tyre në rrjetet sociale. Edhe pse "TikTok", i cili është në pronësi të kompanisë kineze ByteDance, ka më shumë se një miliard përdorues, ai kontribuon vetëm një për qind të të ardhurave totale të botuesit të muzikës, sipas "Universal".

Në një letër të hapur drejtuar "komunitetit të artistëve dhe kompozitorëve", "Universal", e cila kontrollon një të tretën e muzikës së regjistruar në botë, pohoi se "'TikTok' po përpiqet të ndërtojë një biznes të bazuar në muzikë, pa paguar vlerën e drejtë për vetë muzikën".

Kompania deklaron se do të ndalojë licencimin e përmbajtjeve në "TikTok" që nga dita e sotme, 31 janar, kur skadon kontrata e tyre, shkruan "BBC".

Si përgjigje, "TikTok" shkroi: "Është e trishtueshme dhe zhgënjyese që 'Universal Music Group' ka vënë lakminë e tyre mbi interesat e artistëve të tyre."

Universal mban një pozitë dominuese në industrinë botërore të muzikës dhe ka të drejtën të publikojë muzikën e një numri të madh artistësh të njohur globalisht, si Beatles, Elton John, Adele, Coldplay, BTS dhe shumë të tjerë./CNA 





Lajmet e fundit nga