web counter
LEXO PA REKLAMA!

SHKARKO APP

App Store
Google Play

Nënkryetarja e komunës së Leposaviçit konsumoi kokainë/ Prokuroria nis hetimet

30 Janar 2024, 12:40, Kosova & Bota CNA

Nënkryetarja e komunës së Leposaviçit konsumoi

Prokuroria Themelore në Mitrovicë ka dhënë dritën jeshile për hetimin e rastit ku nënkryetarja serbe e komunës së Leposaviçit u shfaq duke konsumuar drogë. 

Mediat në Kosovë raportojnë se nënkryetarja serbe e Leposaviçit, Dragana Militiç, konsumoi lëndë narkotike kokainë në ambientet e zyrave të objektit komunal, bashkë me një pjesë të stafit të saj. Madje u publikua edhe një video nga momenti kur konsumonte lëndë narkotike.

”Prokuroria Themelore në Mitrovicë njofton opinionin se përkitazi me publikimin e video incizimit të portalit Nacionale, publikuar me datë 29 janar 2024, me qëllim të ndriçimit të gjitha fakteve dhe rrethanave, ka autorizuar Policinë e Kosovës – Drejtorinë për Hetimin e Trafikimit me Narkotikë (DHTN) në Prishtinë, që të ndërmarrë të gjitha veprimet hetimore lidhur me hetimin e këtij rasti, që ka të bëjë me persona të përfshirë që shihen në videot e publikuara, përfshirë identifikimin e të gjithë personave, pastaj mbledhjen e provave – video incizimeve të portalit Nacionale, dhe provave tjera relevante që janë të nevojshme për hetimin dhe ndriçimin e këtij rasti, në drejtim të veprës penale “Blerja, posedimi, shpërndarja dhe shitja e paautorizuar e narkotikëve, substancave psikotrope dhe analoge” nga neni 267 lidhur me nenin 275 paragrafi 1 pika 1.2 të Kodit Penal të Republikës së Kosovës”, thuhet në njoftimin e Prokurorisë./CNA 

Nënkryetarja e komunës së Leposaviçit konsumoi
Dragana Militiç




Lajmet e fundit nga