E fundit!

11:42 Aktualitet

Nis spërkatja e kulturave të misrit në Maliq, trajtohen rreth 100 hektarë

Ka nisur procesi i spërkatjes së kulturave të misrit në Ba...

Trump: Udhëheqësit europianë do të vizitojnë SHBA-në për të diskutuar luftën në Ukrainë

8 Shtator 2025, 07:38, Kosova & Bota CNA

Trump: Udhëheqësit europianë do të vizitojnë

Presidenti Donald Trump njoftoi se udhëheqësit europianë do të vizitojnë Shtetet e Bashkuara të hënën ose të martën për të diskutuar mënyrat për t'i dhënë fund luftës në Ukrainë. Presidenti amerikan shtoi se do të fliste edhe me presidentin rus Vladimir Putin “së shpejti”, si dhe sinjalizoi se administrata e tij ishte gati të kalonte në një fazë të dytë të sanksioneve ndaj Moskës.

Presidenti ukrainas, Volodymyr Zelensky, u shpreh se sanksionet ishin "ideja e duhur" dhe u bëri thirrje vendeve europiane të ndalojnë blerjen e energjisë ruse. Kjo vjen në një kohë kur Rusia nisi bombardimet e saj më të mëdha ajrore ndaj Ukrainës gjatë luftës deri më tani, duke vrarë katër persona dhe duke goditur për herë të parë ndërtesën kryesore qeveritare të Ukrainës në Kiev.

Pas sulmit, gjatë të cilit Rusia lëshoi të paktën 810 dronë dhe 13 raketa drejt Ukrainës, Trump tha se nuk ishte “i kënaqur me të gjithë situatën”.

“Disa udhëheqës europianë do të vijnë individualisht në vendin tonë të hënën ose të martën”, tha Trump.

Rusia ka intensifikuar sulmet ndaj Ukrainës që kur Trump dhe Putin mbajtën një samit në Alaska muajin e kaluar. Duke folur për "ABC News", Zelensky tha se vazhdimi i blerjes së naftës dhe gazit rus nga partnerët europianë nuk është “i drejtë”.

Zelensky gjithashtu përshëndeti planet e Trump për të vendosur tarifa dytësore për vendet që tregtojnë me Rusinë - që synojnë të pengojnë aftësinë e Moskës për të financuar luftën.

“Ne duhet të ndalojmë blerjen e çdo lloj energjie nga Rusia, dhe meqë ra fjala, çdo gjë, çdo marrëveshje me Rusinë. Nuk mund të kemi asnjë marrëveshje nëse duam t’i ndalojmë ato. Mendoj se ideja për të vendosur tarifa ndaj vendeve që vazhdojnë të bëjnë marrëveshje me Rusinë, është ideja e duhur”, tha ai.

Rusia ka shitur rreth 985 miliardë dollarë (729 miliardë paund) naftë dhe gaz që nga fillimi i pushtimit të plotë të Ukrainës në mars të vitit 2022, sipas Qendrës për Kërkime mbi Energjinë dhe Ajrin e Pastër. Blerësit më të mëdhenj kanë qenë Kina dhe India. BE-ja ka ulur ndjeshëm - por jo ka ndaluar plotësisht - blerjet e energjisë ruse. Në qershor, Brukseli paraqiti plane për t'u dhënë fund të gjitha blerjeve deri në vitin 2027.

Muajin e kaluar, SHBA-ja vendosi tarifa prej 50% për mallrat nga India si ndëshkim për vazhdimin e blerjes së naftës ruse. Qeveria indiane ka thënë se do të vazhdojë të ndjekë "marrëveshjen më të mirë" për blerjen e naftës për interesat ekonomike të popullsisë së saj. Dhe në një takim në Pekin javën e kaluar, Rusia tha se do të rriste furnizimet me gaz për Kinën.

Ndërhyrja e Zelensky-t vjen në një kohë kur grupi OPEC+ i vendeve prodhuese të naftës, që përfshin Rusinë, ka rënë dakord përsëri për të rritur prodhimin, një veprim që do të ushtrojë presion në rënie mbi çmimet e naftës. Sekretari i Thesarit të SHBA-së, Scott Bessent, i tha emisionit “Meet the Press” të NBC-së se SHBA-të po kërkonin më shumë mbështetje nga BE-ja për të vendosur tarifa dytësore ndaj vendeve që blejnë naftë ruse.

Bessent tha se nëse vendet e BE-së do të rrisnin sanksionet dhe tarifat dytësore ndaj vendeve që blejnë naftë ruse.

Ai shtoi: “Ne jemi në një garë tani midis sa gjatë mund të rezistojë ushtria ukrainase dhe sa gjatë mund të rezistojë ekonomia ruse”./ CNA, përkthyer nga "BBC"