web counter
LEXO PA REKLAMA!

SHKARKO APP

App Store
Google Play

E fundit!

x

Ceremonia solemne në Prishtinë/ Policia e Kosovës shënon 26-vjetorin e themelimit

7 Shtator 2025, 17:09, Kosova & Bota CNA

Ceremonia solemne në Prishtinë/ Policia e Kosovës shënon

Kjo fundjavë në Prishtinë mbart një rëndësi të veçantë, pasi Policia e Kosovës shënoi 26-vjetorin e themelimit.

Përmes një ceremonie solemne, morën pjesë udhëheqësit më të lartë institucional të vendit.

Të pranishëm ishin Presidentja Vjosa Osmani, Kryetari i Kuvendit Dimal Basha, Kryeministri në detyrë Albin Kurti, Ministri në detyrë i Punëve të Brendshme Xhelal Sveçla, përfaqësues të trupit diplomatik, drejtues të institucioneve të sigurisë vendore e ndërkombëtare, si dhe familjarë të policëve, heronjve të rënë në detyrë.

Në këto 26 vite, Policia e Kosovës thekson se është konsoliduar si një ndër shtyllat kryesore të sigurisë së shtetit, duke u përballur me sfida të shumta, nga fenomenet kriminale e terroriste, deri te cenimet e rendit kushtetues në veri të vendit, të cilat i ka menaxhuar me profesionalizëm dhe i ka tejkaluar me sukses.

Përmes një njoftimi të rastit, Policia e Kosovës shprehet e mbetet e përkushtuar të garantojë siguri për të gjithë qytetarët pa dallim, të forcojë transparencën dhe integritetin institucional, si dhe të respektojë me përpikëri ligjin dhe të drejtat themelore të njeriut, duke ruajtur pozitën e saj si një nga institucionet më të besuara dhe transparente të vendit.

Në këtë ditë, u kujtuan me nderim e mirënjohje të përjetshme policët e rënë në krye të detyrës, si dhe u riafirmua zotim për të qenë gjithmonë në shërbim të qytetarëve dhe të Republikës së Kosovës./CNA





Lajmet e fundit nga