web counter
LEXO PA REKLAMA!

SHKARKO APP

App Store
Google Play

E fundit!

x

BE gjobit me 2.95 miliardë euro Google për abuzim me dominimin në reklama

6 Shtator 2025, 11:52, Kosova & Bota CNA

BE gjobit me 2.95 miliardë euro Google për abuzim me dominimin në

Google është gjobitur me 2.95 miliardë euro (2.5 miliardë paund) nga BE-ja për abuzim të dyshuar me pushtetin e saj në sektorin e teknologjisë së reklamave - teknologjia që përcakton se cilat reklama duhet të vendosen në internet dhe ku.

Komisioni Europian tha të premten se gjiganti i teknologjisë kishte shkelur ligjet e konkurrencës duke favorizuar produktet e veta për shfaqjen e reklamave online, në dëm të rivalëve.

Kjo vjen në mes të rritjes së kontrollit nga rregullatorët në mbarë botën mbi perandorinë e gjigantit të teknologjisë në kërkimin dhe reklamimin online.

Google tha për "BBC" se vendimi i Komisionit ishte "i gabuar" dhe se do të apelonte.

“Ai vendos një gjobë të pajustifikuar dhe kërkon ndryshime që do të dëmtojnë mijëra biznese europiane duke ua vështirësuar atyre fitimin e parave”, tha Lee-Anne Mulholland, drejtuese globale e çështjeve rregullatore në Google.

"Nuk ka asgjë antikonkurruese në ofrimin e shërbimeve për blerësit dhe shitësit e reklamave, dhe ka më shumë alternativa ndaj shërbimeve tona se kurrë më parë."

Presidenti amerikan Donald Trump gjithashtu e sulmoi vendimin, duke thënë në një postim në mediat sociale se ishte "shumë i padrejtë" dhe duke kërcënuar të nisë një hetim mbi praktikat teknologjike europiane që mund të çojnë në tarifa./ CNA





Lajmet e fundit nga