E fundit!

14:30 Aktualitet

Nga njohja me Laert Haxhiun te shpërthimi në lokalin e Noizyt/ Zbardhet dëshmia e Cllevio-s në GJKKO

Reperi Kleviol Ahmeti i njohur si “Cllevio” është paraqitu...

"Toka një territor i paeksploruar"/ Shkencëtarët në alarm për temperaturat e larta: Skenarë të këqinj mund të shpalosen

22 Korrik 2023, 10:52, Kosova & Bota CNA

"Toka një territor i paeksploruar"/ Shkencëtarët

Një seri rekordesh klimatike mbi temperaturën, nxehtësinë e oqeanit dhe akullin e detit Antarktik kanë alarmuar disa shkencëtarë, të cilët thonë se shpejtësia dhe koha e tyre është "e paprecedentë".

Studimet janë duke u zhvilluar, por shkencëtarët tashmë kanë frikë se disa skenarë të rasteve më të këqija po shpalosen.

Nga ana tjetër Organizata e Kombeve të Bashkuara njofton se valët e rrezikshme të të nxehtit në Evropë mund të thyejnë rekorde të tjera.

"Tani Toka është në territor i paeksploruar për shkak të ngrohjes globale nga djegia e lëndëve djegëse fosile, si dhe nxehtësisë nga El Niño i parë. Kemi një sistem moti natyror që ngrohet që nga viti 2018", thotë pedagogu i shkencave klimatike të Kolegjit Imperial në Londër, Paulo Ceppi.

“Mund të thuash se kemi rënë nga një shkëmb, por ne nuk e dimë se çfarë ka në fund të shkëmbit këtu”, thotë Caroline Holmes.

Jemi në një epokë të re, por “kemi ende kohë për të siguruar një të ardhme të qëndrueshme për shumë njerëz”, shpjegon më tek ajo.

Këtë verë janë regjistruar rekorde klimatike, dita më e nxehtë e regjistruar, qershori më i nxehtë i regjistruar globalisht, valët ekstreme të të nxehtit detar, akulli i detit Antarktik me rekord të ulët.

Bota përjetoi ditën e saj më të nxehtë të regjistruar ndonjëherë në korrik, duke thyer rekordin global të temperaturës mesatare të vendosur në vitin 2016.

Temperatura mesatare globale arriti në 17C për herë të parë, duke arritur në 17.08 gradë celcius më 6 korrik, sipas shërbimit të BE-së për monitorimin e klimës Copernicus.

El Nino është luhatja klimatike më e fuqishme natyrore në botë. Ai sjell ujë më të ngrohtë në sipërfaqe në Paqësorin tropikal, duke shtyrë ajrin më të ngrohtë në atmosferë. Zakonisht rrit temperaturat globale të ajrit.