web counter
LEXO PA REKLAMA!

SHKARKO APP

App Store
Google Play

Paralajmëron kryeministri i Armenisë/ Mundësi për një luftë të re me Azerbajxhanin

21 Korrik 2023, 20:36, Kosova & Bota CNA

Paralajmëron kryeministri i Armenisë/ Mundësi për një

Kryeministri i Armenisë Nikol Pashinyan, ka paralajmëruar të premten për rrezikun e një lufte të re me Azerbajxhanin, duke e akuzuar Bakun për “gjenocid” në rajonin e shkëputur të Nagorno-Karabakut, të banuar me shumicë armene.

Baku dhe Jerevani kanë zhvilluar dy luftëra për enklavën malore dhe nënshkrimi i një traktati paqeje mbetet një perspektivë e largët.

Bisedimet nën ndërmjetësimin e Bashkimit Evropian, Shteteve të Bashkuara dhe Rusisë veçmas kanë sjellë pak përparim.

“Për sa kohë që një traktat paqeje nuk është nënshkruar dhe një traktat i tillë nuk është ratifikuar nga parlamentet e të dy vendeve, sigurisht, një luftë (e re) (me Azerbajxhanin) ka shumë të ngjarë”, tha Pashinyan për AFP.

Tensionet u përshkallëzuan më herët në korrik kur Azerbajxhani mbylli përkohësisht korridorin Lachin, rruga e vetme që lidh Nagorno-Karabakun me Armeninë.

Mbyllja shkaktoi shqetësime për një krizë humanitare në rajon, i cili përjeton mungesë ushqimi, ilaçesh dhe furnizimi me energji elektrike.

Angazhimi diplomatik në rritje i Bashkimit Evropian dhe Shteteve të Bashkuara në Kaukaz ka acaruar ndërmjetësin tradicional të fuqisë rajonale Rusinë./france24/





Lajmet e fundit nga