web counter
LEXO PA REKLAMA!

SHKARKO APP

App Store
Google Play

Thellohet bilanci/ Mbi 46.000 viktima nga tërmetet në Turqi dhe Siri

19 Shkurt 2023, 13:56, Kosova & Bota CNA
Thellohet bilanci/ Mbi 46.000 viktima nga tërmetet në Turqi dhe Siri
Një burrë i ekpit të shpëtimit qëndron përpara rrënojave pranë vendit ku Aleyna Olmez, 17-vjeçare, u shpëtua nga një ndërtesë e shembur, 248 orë pas tërmetit që goditi pjesë të Turqisë dhe Sirisë, në Kahramanmaras

Përpjekjet e shpëtimit në Turqinë e goditur nga tërmeti përfundojnë të dielën, gati dy javë pasi tërmetet vdekjeprurëse - 7.8 ballësh dhe 7.5 ballësh - goditën Turqinë dhe Sirinë.

Si pasojë e këtyre tërmeteve, më shumë se 46.000 njerëz - 41.044 në Turqi dhe 4.966 në Siri - kanë mbetur të vdekur.

Sekretari amerikan i Shtetit, Antony Blinken, do ta vizitojë të dielën Turqinë, dhe do të diskutojë se si Uashingtoni mund ta ndihmojë më tej Ankaranë, teksa ajo po përballet me pasojat e tërmetit.

Kombet e Bashkuara janë duke u kërkuar vendeve anëtare që të kontribuojnë me 1 miliard dollarë për të ndihmuar miliona njerëz të prekur nga tërmeti në Turqi, ndërsa 400 milionë dollarë për të ndihmuar sirianët.

Gjithashtu, Kryqi i Kuq ka bërë thirrje për mbi 700 milionë dollarë ndihmë për viktimat e tërmeteve vdekjeprurëse që goditën Turqinë dhe Sirinë.

Javën e kaluar, Kombet e Bashkuara ndanë një shumë prej 397 milionë dollarësh për të ofruar “ndihma dëshpërimisht të nevojshme për gati 5 milionë sirianë” për tre muajt e ardhshëm.

Deri në marrëveshjen e 13 shkurtit midis OKB-së dhe Qeverisë siriane të presidentit Bashar Assad, ndihmat ishin lejuar të dërgoheshin vetëm në një zonë përmes një kalimi të vetëm kufitar me Turqinë, ose përmes territorit qeveritar.

Presidenti Assad ra dakord të hapë dy pika të reja kalimi nga Turqia në veriperëndim të vendit të kontrolluar nga rebelët për të ofruar ndihma dhe pajisje të nevojshme për miliona viktima të tërmetit.

Vendkalimet në Bab Al-Salam dhe Al Rae do të jenë të hapura për një periudhë fillestare prej tre muajsh.

Më 6 shkurt, Turqia dhe Siria u goditën nga tërmete prej 7.8 dhe 7.5 ballësh, që u pasuan me qindra dridhje të tjera të tokës./ REL





Lajmet e fundit nga