web counter
LEXO PA REKLAMA!

SHKARKO APP

App Store
Google Play

Të burgosurit shqiptarë në Greqi futen në grevë urie, ankohen për shkelje të të drejtave

20 Korrik 2024, 22:47, Kosova & Bota CNA
Të burgosurit shqiptarë në Greqi futen në grevë urie,
Foto ilustruese

Shqiptarët të cilët vuajnë dënimin në burgjet greke, kanë njoftuar se kanë filluar një grevë urie.

Ata pretendojnë se u janë shkelur të drejtat që i takojnë për lirimin me kusht.

Në grevë janë futur edhe të dënuar të kombësive të tjera.

Nëpërmjet një deklarate, ata kanë kërkuan nga ana e institucioneve të drejtësisë në Greqi që të merren masa për kërkesat e tyre.

Ata kërkojnë që të rregullohet kuadri ligjor për lirimet me kusht, në mënyrë që së pari të zbatohet ligji që ka qenë në fuqi në kohën e kryerjes së veprës penale, si dhe të mos cenohet e drejta që të trajtohen me ligjin me të butë.

Sipas pretendimeve të tyre, drejtësia greke nuk e njeh të drejtën e lirimit me kusht, dhe se po i mban në burg në mënyrë të paligjshme.

Mësohet se disa prej të dënuarve, kanë 1-2 vite që janë në pritje për të shqyrtuar kërkesat e tyre për lirim me kusht, ndërkohë janë afro 16 mijë të dënuar dhe paraburgosur që deri në fund të korrikut mund t’u bashkohen grevës/CNA





Lajmet e fundit nga