web counter
LEXO PA REKLAMA!

SHKARKO APP

App Store
Google Play

Ekzekutimi i shqiptarit, Faton Hajrizit nga policia serbe, Daçiç: Do kërkojmë arrestimin e vëllait të tij

20 Korrik 2024, 18:43, Kosova & Bota CNA
Ekzekutimi i shqiptarit, Faton Hajrizit nga policia serbe, Daçiç:
Faton Hajrizi

Autoritetet në Beograd do të arrestojnë çdo person të mundshëm që ka ndihmuar Faton Hajrizin të kryejë vrasjen e policit serb. Kjo është bërë e ditur Ministri i Punëve të Brendshme të Serbisë, Ivica Daçiç, I cili u shpreh se policia po punon të përcakojë motivet dhe qëllimet e Faton Hajrizit, duke shtuar se do të kërkohet Gjermania dhe arrestimi i vëllait të Hajrizit, pasi dokumentet e gjetura në vendngjarje i përkasin atij.

“Kur dikush sulmon shtetin siç ka bërë Faton Hajrizi, atëherë është akt terrorist”, ka thënë Daçiç për TV Prva.

“Ai është relativisht i ri për të marrë pjesë në aktivitete luftarake gjatë bombardimeve të NATO-s, por i përket një grupi që lavdëron Ushtrinë Çlirimtare të Kosovës, ne do të përcaktojmë se cilat ishin qëllimet dhe motivet e tij dhe presim përgjigje nga Gjermania për pyetjet nëse vëllai i tij ishte vërtet ishte apo nuk ishte në Gjermani”, tha ai.

Faton Hajrizi u arrestua ditën e premte nga policia serbe, 1 ditë pas vrasjes së policit në Loznicë.

I arrestuar për të parën herë në vitin 2000 për vrasjen e një ushtari rus, Faton Hajrizi nga Komuna e Skenderajt, do të shndërrohej në një person me histori të gjatë kriminale dhe famë për shumë arratisje nga burgjet e Kosovës.

Për të fundit herë ai u arratis nga një burg i tipit të hapur në Kosovë, më 6 korrik të vitit 2024. Pak ditë më vonë u bë i dyshuar për vrasjen e një polici në Serbi dhe u vra deri sa ishte në arrati nga autoritetet serbe më 19 korrik.

Në kohën e arratisjes së fundit nga Kosova, Faton Hajrizi përshkruhej si një i burgosur i disiplinuar, i cili madje kishte fituar të drejtën për të shkuar në shtëpi në fundjavë./CNA





Lajmet e fundit nga