web counter
LEXO PA REKLAMA!

SHKARKO APP

App Store
Google Play

Ministria e Shëndetësisë në Kosovë: Përfundon kufizimi i orarit të punës për disa kategori

20 Korrik 2024, 11:46, Kosova & Bota CNA
Ministria e Shëndetësisë në Kosovë: Përfundon
Disa gra duke ecur në sheshin kryesor në Prishtinë, më 18 korrik 2023. Burimi, RFE/RL

Ministria e Shëndetësisë në Kosovë ka bërë të ditur të shtunën se vendimi për kufizim të orarit të punës për disa kategori shoqërore, për shkak të temperaturave të larta, përfundon më 20 korrik.

Kosova, dhe gjithë rajoni i Ballkanit janë përballur në ditët e fundit me temperatura në gati 40 gradë Celsius.

Ministria ka thënë se parashikimet për javën tjetër janë për temperatura që nuk paraqesin rrezik për kategoritë e cenueshme.

Ministria ka thënë se është konsultuar me Institutin Kombëtar të Shëndetësisë Publike dhe Institutin Hidrometeorologjik, dhe që do ta vazhdojë të monitorojë situatën klimatike.

Vendimi i marrë më 13 korrik, ka përfshirë gratë shtatzëna, të cilat janë liruar nga puna, ose u është mundësuar puna prej shtëpie.

Punëtorëve me sëmundje kronike u është kërkuar të punojnë me orar të shkurtuar, deri në katër ditë, ndërsa puna në ndërtimtari, në ambiente të hapura, është ndaluar nga ora 11:00 deri në orën 17:00.

Megjithatë, Radio Evropa e Lirë ka hasur gjatë javës në disa kompani të ndërtimtarisë në Prishtinë që nuk e kanë respektuar vendimin.

Punëtorët janë parë duke punuar nëpër vendpunishte në mesditë./ REL





Lajmet e fundit nga