E fundit!

18:56 Aktualitet

Protestuesit në refren kërkojnë largimin e Ramës: Duam dorëheqjen

Protestuesit janë vendosur para Kryeministrisë ku në refre...

80-vjetori i atentatit ndaj Hitlerit/ Kancelari Scholz: Sot kemi një Gjermani më të mirë- liberale, demokratike e kushtetuese

20 Korrik 2024, 20:52, Kosova & Bota CNA

80-vjetori i atentatit ndaj Hitlerit/ Kancelari Scholz: Sot kemi një

Kancelari gjerman, Olaf Scholz

Kancelari gjerman, Olaf Scholz në një aktivitet me rastin e 80-vjetorit të atentatit ndaj Adolf Hitlerit, ka deklaruar se ka një Gjermani tjetër, më të mirë - liberale, demokratike e kushtetuese. Scholz kujtoi ndër të tjera përgjegjësinë individuale të çdo qytetari për të mbrojtur demokracinë dhe shtetin e së drejtës.

Kancelarja bëri thirrje për respektim të Kushtetutës dhe shtetit të së drejtës dhe mbrojtje të demokracisë.

Z. Scholz kujtoi gjithashtu përgjegjësinë individuale të çdo qytetari për të mbrojtur demokracinë dhe shtetin e së drejtës.

“Kushtetuta praktikohet çdo ditë nga miliona qytetarë në Gjermani”, tha ai, duke shtuar se që nga 20 korriku 1944 dhe nga rezistenca gjermane, është nxjerrë një mësim se askush nuk duhet të braktisë historinë.

"Demokracia jonë varet nga përpjekjet tona të palodhura, nga angazhimi i secilit prej nesh," shtoi ai teksa nënvizoi rëndësinë e "pjesëmarrjes aktive të qytetarëve" në të, dhe nga ana tjetër bashkëjetesën e qytetarëve duke respektuar njëri-tjetrin. Kancelari vlerson në mënyrë të veçantë policinë gjermane, zjarrfikësit dhe ushtarët.

Demokracia varet nga "rezistenca ndaj çdo lloj urrejtjeje dhe ekstremizmi", u shpreh kancelari nnë përvjetorin e sotëm, ndërsa vuri në dukje se "ata që luftojnë demokracinë tonë do të takojnë gjithmonë rezistencën tonë të vendosur. Burrat dhe gratë e rezistencës në Gjermani nuk gabuan: Ka një alternativë ndaj diktaturës naziste. Është Gjermania tjetër, aq më e mirë – liberale, demokratike kushtetuese”.

Ndërkohë Presidenti Federal Frank-Walter Steinmeier,I pranishëm në aktivitet, bëri thirrje për mbrojtjen e demokracisë.

“Të mos ua lëmë fushën përçmuesve të zhurmshëm të demokracisë, por të mbrojmë demokracinë tonë”, tha ai, duke shtuar se ky është memoriali më i mirë që mund t’i kushtohet oficerëve të 20 korrikut 1944 dhe të gjithë të tjerëve që rezistuan./CNA