web counter
LEXO PA REKLAMA!

SHKARKO APP

App Store
Google Play

E fundit!

x

“Situata në veri të Kosovës, e rrezikshme”/ Thirrja e Escobar për Prishtinën dhe Beogradin

10 Nëntor 2022, 18:29, Kosova & Bota CNA
“Situata në veri të Kosovës, e rrezikshme”/ Thirrja e
I dërguari amerikan për Ballkanin Perëndimor Gabriel Escobar

I dërguari amerikan për Ballkanin Perëndimor Gabriel Escobar, e ka vlerësuar situatën në veri të Kosovës si shumë të rrezikshme.

Gjatë një interviste për Zërin e Amerikës, Escobar është shprehur se të dyja palët kanë shumë të qartë atë se çfarë po u kërkohet.

“Nga pala e Kosovës kemi kërkuar një periudhë njëvjeçare të zbatimit për të bërë një fushatë publike të njoftimit dhe për të përgatitur komunitetin e prekur, që të jetë i gatshëm të ndërrojë targat e makinave. Ne po ashtu po u bëjmë thirrje që të fillojnë ta vënë çështjen e Asociacionit të komunave me shumicë serbe në rend dite. Kjo është një kërkesë. Nga pikëpamja jonë dhe ajo e partnerëve të Quintit, kjo është një kërkesë dhe ne do të ngulim këmbë. Nga pala serbe, ne mendojmë se çdo protestë duhet të jetë paqësore dhe largimi i serbëve nga institucionet nuk është i dobishëm”, ka thënë Escobar ndërsa iu ka bërë thirrje të dyja palëve si Prishtinës ashtu dhe Beogradit të përmbushin këtë çështje menjëherë.

“U bëj thirrje palëve që të jenë gati të përmbushin këto çështje menjëherë”, ka vijuar më tej Escobar.

Escobar nënvizoi se, është koha për më shumë dialog dhe se Shtetet e Bashkuara kanë qenë shumë të qarta gjatë procesit të bisedimeve se cilat janë pritshmëritë nga pala e Kosovës.

“Ne kemi qenë po ashtu shumë të qartë me palën serbe se pajtohemi që çështja e Asociacionit të komunave me shumicë serbe duhet të jetë në rendin e ditës. Unë kam biseduar më një gamë të gjerë zërash brenda Kosovës që e mbështesin këtë dhe janë të vullnetshëm të ndihmojnë Kosovën të përmbushë detyrimet ndërkombëtare për këtë çështje”, tha zoti Escobar, për Zërin e Amerikës.

Gjithashtu Escobar ka komentuar deklaratën e kryeministrit të Kosovës Albin Kurti, i cili është shprehur se Serbia po përpiqet të maskojë refuzimin e nismës franko-gjermane për një marrëveshje ndërmjet të dyja vendeve duke bërë përpjekje të destabilizojë situatën ne veriun e Kosovës. Zoti Escobar i cili e mbështet propozim franko-gjerman nuk pajtohet me këtë pohim.

“Jo nuk mendoj që është kështu. Mendoj se reagimi është në atë se çfarë po ndodhë në terren. Sa i përket propozimit franko-gjerman është shumë herët për ne që të peshojmë përgjigjet. Kjo situatë, kjo krizë duhet të trajtohet për atë që është. Janë tensione që po rriten për shkak të mungesës së komunikimit, mungesës së bashkërendimit dhe mungesës së vullnetit për të marrë pjesë dhe për t’u angazhuar plotësisht në dialog”, tha zoti Escobar./ CNA.al





Lajmet e fundit nga