web counter
LEXO PA REKLAMA!

SHKARKO APP

App Store
Google Play

Shpërthimi i vullkanit Etna/ Turistët pengesë për ekipet e emergjencës

18 Shkurt 2025, 18:04, Kosova & Bota CNA

Shpërthimi i vullkanit Etna/ Turistët pengesë për ekipet e

Mijëra turstë janë dyndur për të parë shpërthimet e vullkanit Etna, gjë e cila ka sjellë dhe pengesa. Prania e shumtë e turistëve po pengon ekipet e emergjencës të arrijnë te personat që kanë nevojë për ndihmë. 

Kreu i mbrojtjes Civile për rajonin e Sicilisë, Salco Cocina e cilësoi si “të egër” dhe “jashtëzakonisht të rrezikshëm” turizmin e shtuar të ditëve të fundit te vullkani Etna.

Cocina tha se parkimi i makinave përgjatë rrugës nga turistët është një pengesë e madhe. Pengesë e cila bëhet më e madhe gjatë orëve të natës. 

Kreu i Mbrojtjes Civile bëri thirrje për të kujdes nga turistët, por me sa duket ra në vesh të shurdhër. Tetë persona, mes të cilëve dy të mitur humbën gjatë një eskursioni të hënën dhe u gjetën disa orë më vonë.

Të dielën një burrë pësori frakturë në këmbë, ndërsa mbrëmjen e së shtunës katër persona u zhdukën. Zjarrëfikëshit shkuan në vendngjarje për t’u ardhur në ndihmë vendasve dhe për të frenuar fluksion e turistëve. 

Kryebashkiakët e qyteteve në afërsi të vullkanit kanë bërë thirrje që vizitorët të qëndrojnë të paktën 500 metra larg nga llava e vullkanit. Thirrje e cila nuk është respektuar./ CNA





Lajmet e fundit nga