web counter
LEXO PA REKLAMA!

SHKARKO APP

App Store
Google Play

E fundit!

x

Rritet presioni ndaj Starmer/ 70 deputetë laburistë kërkojnë dorëheqjen e tij

12 Maj 2026, 07:34, Kosova & Bota CNA

Rritet presioni ndaj Starmer/ 70 deputetë laburistë kërkojnë

Presioni mbi kryeministrin e Britanisë, Keir Starmer, është rritur të hënën, kur katër ndihmësministrorë dhanë dorëheqjen dhe më shumë se 70 ligjvënës laburistë kërkuan publikisht dorëheqjen e tij.

Në një fjalim drejtuar besnikëve të partisë në Londër, Starmer u kishte bërë thirrje si partisë së tij ashtu edhe votuesve që të qëndronin me të dhe të shmangnin një garë për udhëheqës që ai tha se do të sillte vetëm kaos, por fjalimi i tij duket se nuk ndikoi sa duhet për të zbutur valën e tensioneve.

Sekretarja e Brendshme Shabana Mahmood dhe ministra të tjerë të kabinetit i kishin kërkuar kryeministrit të merrte në konsideratë caktimin e një afati kohor për largimin e tij, ndërsa ligjvënësit laburistë dolën publikisht për të shprehur pakënaqësinë e tyre për një nga humbjet më të këqija për laburistët në zgjedhjet lokale të javës së kaluar.

Sekretarja e Jashtme Yvette Cooper i tha Starmer se ai duhet të mbikëqyrë një tranzicion të rregullt të pushtetit. Katër ndihmës ministrorë thanë se po jepnin dorëheqjen, duke besuar se Starmer, 63 vjeç, nuk ishte njeriu i duhur për të udhëhequr Partinë Laburiste në zgjedhjet e ardhshme kombëtare, të planifikuara për në vitin 2029.

Starmer njoftoi me shpejtësi emërime të reja për të mbushur një numër pozicionesh të lira. Megjithatë, përpjekja e Starmer për të bindur partinë dhe votuesit e tij se mund të ishte më i guximshëm në trajtimin e problemeve të shumta që kanë përfshirë Britaninë që kur fitoi një shumicë të madhe në vitin 2024, dukej se do të dështonte në fitimin e mbështetjes së pikërisht njerëzve për të cilët ishte synuar. /CNA





Lajmet e fundit nga