web counter
LEXO PA REKLAMA!

SHKARKO APP

App Store
Google Play

E fundit!

x

Trump: Me presidentin kinez Xi Jinping do të diskutoj shitjet e armëve amerikane në Tajvan

11 Maj 2026, 19:19, Kosova & Bota CNA

Trump: Me presidentin kinez Xi Jinping do të diskutoj shitjet e armëve

Presidenti i SHBA-së, Donald Trump tha se do të diskutojë shitjet e armëve amerikane në Tajvan me homologun e tij kinez Xi Jinping gjatë vizitës së tij në Pekin.

"Do ta zhvilloj atë bisedë me Presidentin Xi. Presidenti Xi do të preferonte që ne të mos e bënim këtë dhe do ta zhvilloj atë bisedë me të. Është një nga shumë çështjet për të cilat do të flas",-u tha Trump gazetarëve përpara udhëtimit të tij në Pekin këtë javë.

Trump gjithashtu planifikon të diskutojë situatën e luftës në Iran me homologun e tij kinez, si dhe çështjet e energjisë.

Presidenti i SHBA-së do të shoqërohet në udhëtim nga më shumë se 15 drejtorë ekzekutivë dhe kryetarë të kompanive të mëdha amerikane, sipas një zyrtari të Shtëpisë së Bardhë.

Midis atyre që do të marrin pjesë në mision do të jenë Elon Musk i Tesla/SpaceX, Tim Cook i Apple, Larry Fink i Blackrock, Jane Fraser e Citi, David Solomon i Goldman Sacks, Dana Poëell McCormick e Meta, Cristiano Amon i Qualcomm, si dhe drejtuesit e kompanive të tilla si Blackstone, Boeing, Cargill, GE Aerospace, Mastercard dhe Visa./CNA





Lajmet e fundit nga