web counter
LEXO PA REKLAMA!

SHKARKO APP

App Store
Google Play

E fundit!

x

Propozimi për paqe/ Trump për përgjigjen e Iranit: Plotësisht e papranueshme

10 Maj 2026, 22:30, Kosova & Bota CNA

Propozimi për paqe/ Trump për përgjigjen e Iranit:

Presidenti i SHBA-së, Donald Trump ka bërë një reagim për përgjigjen e Iranit ndaj propozimit amerikan për paqe. Në postimin e tij në Truth Social, Trump shkruan se përgjigja e tyre është “plotësisht e papranueshme”. 

“Sapo lexova përgjigjen nga të ashtuquajturit “Përfaqësues” të Iranit. Nuk më pëlqen — PLOTËSISHT E PAPRANUESHME!” shprehet ai në postimin e tij.

Irani dërgoi propozimin e tij të fundit nëpërmjet ndërmjetësve pakistanezë të dielën në mëngjes, sipas medias shtetërore iraniane.  

Ndërkohë një armëpushim që synonte të lehtësonte bisedimet për t'i dhënë fund luftës së nisur nga SHBA-të dhe Izraeli në shkurt është respektuar, pavarësisht shkëmbimeve të herëpashershme të zjarrit.

Më herët këtë javë, Trump tha se lufta në Iran do të mbarojë shpejt, porr kryeministri izraelit Benjamin Netanyahu tha se rezervat e uraniumit të pasuruar të Iranit duhet të "eliminohen" përpara se lufta kundër Iranit të konsiderohet e përfunduar.

Të dielën, Presidenti iranian Masoud Pezeshkian nuk iu referua drejtpërdrejt propozimit, por tha: "Ne kurrë nuk do të përkulim kokën para armikut dhe nëse lind biseda për dialog ose negociata, kjo nuk do të thotë dorëzim ose tërheqje".

Agjencia amerikane e lajmeve Axios raportoi se memorandumi njëfaqësh i SHBA-së me 14 pika përfshin dispozita të tilla si pezullimi i pasurimit bërthamor iranian, heqja e sanksioneve dhe rivendosja e tranzitit të lirë përmes Ngushticës së Hormuzit.

Ndërkohë, Irani ka vazhduar të bllokojë rrugën ujore, duke çuar në një rritje të çmimeve botërore të naftës. SHBA-të, nga ana e tyre, kanë zbatuar një bllokadë të porteve iraniane për të ushtruar presion mbi Teheranin që të bjerë dakord me kushtet e saj. /CNA 





Lajmet e fundit nga