E fundit!

21:26 Politikë

Balla reagon ndaj Athinës: Narta është tokë shqiptare, autoktone

Kryetari i Grupit Parlamentar të Partisë Socialiste dhe Dr...

Operacioni në Tenerife/ Evakuohen pasagjerët e parë nga anija e prekur nga hantavirusi

10 Maj 2026, 18:17, Kosova & Bota CNA

Operacioni në Tenerife/ Evakuohen pasagjerët e parë nga anija e

Pasagjerët e parë të evakuuar nga një anije turistike e prekur nga hantavirusi, e ankoruar pranë Ishujve Kanarie të Spanjës, kanë mbërritur në Madrid.

Katërmbëdhjetë shtetas spanjollë në fluturimin çarter nga Tenerife do të futen në karantinë të detyrueshme në një spital ushtarak në kryeqytetin Madrid.

Tre persona kanë vdekur nga shpërthimi i virusit në anijen holandeze MV Hondius, përfshirë dy që u konfirmuan se kishin hantavirus.

Ministrja e Shëndetësisë Mónica García tha se operacioni po vazhdonte normalisht dhe se të gjithë pasagjerët në bordin e MS Hondius ishin asimptomatikë.

Anija MV Hondius mbërriti në portin e Granadillës mëngjesin të së dielës, një muaj pasi pasagjeri i parë vdiq në bord. Një aeroplan me destinacion Holandën pritet të marrë 27 persona, përfshirë qytetarë belgë, grekë, gjermanë dhe argjentinas.

Fluturime të tjera janë gati të nisen pas kësaj, duke përfshirë ato për në Mbretërinë e Bashkuar dhe SHBA. Fluturimi i fundit i evakuimit pritet të niset për në Australi të hënën.

Organizata Botërore e Shëndetësisë (OBSH) ka rekomanduar një periudhë karantine prej 42 ditësh për pasagjerët e kroçerës që nga ekspozimi i tyre i fundit.

Pasagjerët nga Mbretëria e Bashkuar do të dërgohen në një qendër izolimi ku do të mbahen deri në 72 orë. Mjekët më pas do të vlerësojnë nëse ata mund të izolohen në shtëpi apo në një vend tjetër të përshtatshëm bazuar në kushtet e tyre të jetesës.

Dhjetëra specialistë të kujdesit intensiv ishin në gatishmëri në spitalin Candelaria në Tenerife në rast se ndonjë sëmuret rëndë gjatë transferimit. Një strukturë izolimi strikt ka një shtrat të pajisur plotësisht për t'u përballur me sëmundjet infektive.

Kreu i OBSH-së, Tedros Adhanom Ghebreyesus, i cili ndodhet në Tenerife për të mbikëqyrur zbarkimin, tha se operacioni po shkonte shumë mirë. /CNA