LEXO PA REKLAMA!

SHKARKO APP

Rrëzohet kërkesa e gazetarit të "Wall Street Journal"/ Evan Gershkovich do qëndrojë në paraburgimin e Rusisë

19 Shtator 2023, 17:26, Kosova & Bota CNA

Rrëzohet kërkesa e gazetarit të "Wall Street Journal"/

Gazetari i të përditshmes amerikane "Wall Street Journal", Evan Gershkovich do të qëndrojë pas hekurave.

Kjo pasi gjykata në Moskë rrëzoi kërkesën e apelit për paraburgimin e tij.

Gjykata e Moskës tha se kërkesën e tij për lirim e ka dorëzuar te një shkallë më e ulët.

Ajo deklaroi se "kushtet" e paspecifikuara janë duke e pamundësuar mbajtjen e një seance dëgjimore, por pa dhënë më shumë hollësi.

Vendimi është pengesa e fundit ligjore për Gershkovich, të cilit paraburgimi është zgjatur dy herë që nga arrestimi i tij, një herë në maj dhe herën e dytë në gusht.

Me vendimin e fundit të gjykatës, Gershkovich do të qëndrojë në burg të paktën deri më 30 nëntor, njoftoi agjencia ruse e lajmeve "Tass".

Gershkovich, 31-vjeçar, u ndalua në mars në qytetin rus Jekaterinburg nga policia sekrete e Rusisë, pasi akuzohet për mbledhje të informacionit sekret në një kompleks ushtarak të Rusisë.

Nga ana tjetër, e përditshmja amerikane "Wall Strett Journal" i ka mohuar akuzat e Rusisë./ REL

Lajmet e fundit nga