web counter
LEXO PA REKLAMA!

SHKARKO APP

App Store
Google Play

E fundit!

x

Presidenti i Sri Lankës ikën në Maldive

13 Korrik 2022, 08:50, Kosova & Bota CNA
Presidenti i Sri Lankës ikën në Maldive
Presidenti i Sri Lankës, Gotabaya Rajapaksa

Presidenti i Shri Lankës, Gotabaya Rajapaksa, ka ikur në Maldive herët të mërkurën, në një prelud të mundshëm të dorëheqjes së tij, pas protestash të gjera kundër krizës më të keqe ekonomike të vendit në dekada.

Si president, Rajapaksa gëzon imunitet nga arrestimi dhe besohet se ai donte të largohej para se të jepte dorëheqje, në mënyrë që mos të mund ta ndalonin kur të mbetej pa pushtet.

Ai, gruaja e tij dhe dy truprojat ishin katër pasagjerët në bordin e një avioni ushtarak Antonov-32 që u ngrit nga aeroporti kryesor ndërkombëtar i Sri Lankës, thanë burimet e imigracionit për AFP.

Me të mbërritur në Maldive, ata u çuan në një vend të pazbuluar nën shoqërimin e policisë, tha një zyrtar i aeroportit në kryeqytetin Male.

Sri Lankasit e buzëqeshur përsëri mbushën korridoret e rezidencës zyrtare të presidentit pas largimit të tij të mërkurën.

"Njerëzit janë shumë të lumtur, sepse këta njerëz grabitën vendin tonë", tha nëpunësi civil në pension, Kingsley Samarakoon, 74-vjeçar. "Ata kanë vjedhur shumë para, miliarda dhe miliarda".

Protestuesit në Sri Lankë, që gjatë fundjavës hynë në pallatin presidencial dhe dogjën shtëpinë e kryeministrit, kanë kërkuar dorëheqjen e presidentit dhe kryeministrit./REL





Lajmet e fundit nga