web counter
LEXO PA REKLAMA!

SHKARKO APP

App Store
Google Play

E fundit!

x

BE-ja, goditje Moskës/ Ngrin miliarda euro asete ruse

12 Korrik 2022, 18:57, Kosova & Bota CNA
BE-ja, goditje Moskës/ Ngrin miliarda euro asete ruse
Foto ilustruese

Shtetet e Bashkimit Europian deri më tani ka ngrirë asete ruse në vlerë prej 13.8 miliardë dollarësh qëkur Rusia nisi pushtimin e Ukrainës, tha Komisionari i BE-së për Drejtësi, Didier Reynders.

“Për momentin, ne kemi ngrirë – asete të oligarkëve dhe entiteteve të tjera – 13.8 miliardë euro [13.8 miliardë dollarë], pra një shumë mjaft të madhe”, tha Reynders për gazetarët në Pragë më 12 korrik para takimit joformal të ministrave të Drejtësisë.

“Por, më duhet të them se një pjesë e madhe e kësaj shume, mbi 12 miliardë... vjen nga pesë shtete anëtare”, shtoi ai.

Ai nuk tregoi se cilat ishin këto pesë shtete anëtare, por u bëri thirrje anëtarëve të BE-së që të rrisin përpjekjet për të identifikuar dhe ngrirë asetet që bien mbi juridiksionin e tyre, informon REL.

Ministri gjerman i Financave, Christian Lindner, tha se vlera e aseteve të ngrira ruse në shtetin e tij deri në mesin e qershorit ishte 4.48 miliardë euro.

Ministri ukrainas i Drejtësisë, Denys Maliuska, përsëriti thirrjet e Kievit se asetet duhet të përdoren për të ofruar kompensime për dëmet e luftës, që janë kryer nga forcat ruse.

"Aktualisht, ajo janë të mbrojtura nga imuniteti sovran, por ne mendojmë se asetet e shtetit që nisi luftën, kreu agresion, nuk duhet të mbrohen nga imuniteti sovran”, tha ai në Pragë.

“Ne po vuajmë nga humbjet ekonomike, dhe nuk ka kuptim që këto humbje të mbulohen nga taksapaguesit ukrainas apo europianë”, shtoi Maliuska./CNA.al





Lajmet e fundit nga