web counter
LEXO PA REKLAMA!

SHKARKO APP

App Store
Google Play

Polonia akuzon Rusinë për akte terroriste kundër linjave ajrore

15 Janar 2025, 21:35, Kosova & Bota CNA
Polonia akuzon Rusinë për akte terroriste kundër linjave ajrore
Kryeministri polak Donald Tusk

Kryeministri polak Donald Tusk akuzoi të mërkurën Rusinë se po planifikon akte sabotimi në mbarë botën, mes tyre "akte terroriste" kundër linjave ajrore.Tusk i bëri komentet në Varshavë në një konferencë të përbashkët shtypi me presidentin ukrainas VolodymrZelenskyy.

“Nuk do të hyj në detaje, por mund të konfirmoj se ekziston frika se Rusia po planifikon akte terrori kundër linjave ajrore, jo vetëm kundër Polonisë, por në mbarë botën”, tha ai.

Kremlini i hodhi poshtë pretendimet e mëparshme perëndimore se Rusia ka paguar për akte sabotimi dhe sulme në Evropë.

Zyrtarët perëndimorë të sigurisë dyshojnë se zbulimi rus qëndron pas një disa komplotesh duke vendosur pajisjeve shpërthyese në aeroplanë të transportit të mallraveqë fluturonin drejt Amerikës së Veriut. Mes tyre dy aeroplanë që morën flakë vitin e kaluar në Gjermani dhe Angli, ndërsa po ngarkonin pako për transport.

Qeveria pro BE e Polonisë, thotë se Rusia po kryen akte të luftës hibride kundër Polonisë dhe vendeve të tjera perëndimore si hakmarrje për mbështetjen që ato po i japin Ukrainës, në luftën e saj kundër agresionit rus.

Polonia ka akuzuar Rusinë dhe aleatin e saj Bjellorusinë, për nxitje të një krize emigracioni në kufirin lindor të BE-së me Bjellorusinë, në mënyrë që të krijojë kaos dhe përçarje në Europë.

Vitin e kaluar, ministri i jashtëm i Polonisë urdhëroi mbylljen e një prej tre konsullatave ruse në këtë vend, si përgjigje ndaj akteve të sabotimit, që përfshinin ndër të tjera, zjarrvënie të qëllimta, që siç tha ai, ishin porositur nga Moska.





Lajmet e fundit nga