web counter
LEXO PA REKLAMA!

SHKARKO APP

App Store
Google Play

Petkoviç akuzon Kosovën/ “Inskenoi gjetjen e armëve në veri”

24 Qershor 2023, 15:12, Kosova & Bota CNA
Petkoviç akuzon Kosovën/ “Inskenoi gjetjen e armëve
Drejtori i Zyrës për Kosovën në Qeverinë e Serbisë, Petar Petkoviç

Drejtori i Zyrës për Kosovën në Qeverinë e Serbisë, Petar Petkoviç, ka akuzuar të shtunën autoritetet e Kosovës se kanë inskenuar vendosjen e armëve të gjetura në aksionin në veri të Kosovës, më 23 qershor.

Në një konferencë për media, Petkoviç ka thënë se armët janë konfiskuar më herët në aksionet për çarmatimin e qytetarëve në Kosovë.

Sipas tij, autoritetet serbe kanë njoftuar shërbimet e huaja se Kosova po përgatit operacione të reja për arrestimin e serbëve në veri.

“Në këtë plan, pjesëtarët e policisë së Kosovës po transportojnë armë dhe municione ilegale, të cilat në periudhën paraprake ua kanë konfiskuar shtetasve të nacionalitetit serb dhe shqiptar, nga të gjitha nënstacionet e Policisë së Kosovës. Qëllimi i tyre është që t'i përdorin armët e përmendura për arrestime të reja të serbëve ose t'i ruajnë ato në veri dhe pastaj gjoja t'i gjejnë dhe akuzojnë serbët", deklaruar ai.

Ndërkohë, kujtojmë se ministri i Brendshëm i Kosovës, Xhelal Sveçla njoftoi dje se “është parandaluar një sulm terrorist” në veri të Kosovës.

Ai bëri të ditur se rreth 100 metra nga komuna e Zveçanit është identifikuar një automjet me targa serbe, e cila kishte në brendësi sasi të mëdha armësh, mjete shpërthyese dhe municione./ CNA.al





Lajmet e fundit nga