web counter
LEXO PA REKLAMA!

SHKARKO APP

App Store
Google Play

E fundit!

x

Përleshjet në Bagdad/ Humbin jetën të paktën 12 persona

29 Gusht 2022, 22:29, Kosova & Bota CNA
Përleshjet në Bagdad/ Humbin jetën të paktën 12 persona
Një mbështetës i klerikut shiit irakian, Moqtada Sadr, mban flamurin irakian

Të paktën 12 persona janë qëlluar për vdekje në Zonën e Gjelbër të Bagdadit, pasi qindra mbështetës të klerikut me ndikim shiit, Muqtada al-Sadr, sulmuan ndërtesat qeveritare në mes të tensioneve në rritje me grupet rivale shiite të mbështetura nga Irani.

Ndërsa të paktën 270 të tjerë u plagosën më 29 gusht, pasi u qëlluan me armë zjarri dhe gaz lotsjellës, në zonën e Gjelbër, ku gjenden ndërtesat qeveritare dhe diplomatike irakiane.

Mobilizimi masiv dhe kontrolli janë pjesë e strategjisë tashmë të njohur të klerikut, figurë e fuqishme në skenën politike në Irak. Ai njihet si nacionalist dhe me agjendë anti-Iranit.

Shtetet e Bashkuara i quajtën trazirat në Bagdad si "shqetësuese" dhe u bënë thirrje irakianëve që të përmbahen nga dhuna dhe të kërkojnë dialog për të zgjidhur mosmarrëveshjet politike.

Misioni i Asistencës së Kombeve të Bashkuara në Irak (UNAMI) i quajti zhvillimet "një përshkallëzim jashtëzakonisht të rrezikshëm" dhe gjithashtu u kërkoi të gjitha palëve "të përmbahen nga aktet që mund të çojnë në një zinxhir të pandalshëm ngjarjesh".

"Vetë mbijetesa e shtetit është në rrezik", thuhet në deklaratën e UNAMI-it. Dëshmitarët thanë se besnikët e klerikut shiit dhe mbështetësit e një blloku rival shiit, Korniza e Koordinimit pro-Iranit, kishin shkëmbyer zjarr në Zonën e Gjelbër./ REL





Lajmet e fundit nga