LEXO PA REKLAMA!

SHKARKO APP

E fundit!

x

Përmbytje të furishme në Pakistan/ Mbi një mijë viktima, miliona shtëpi të shkatërruara

29 Gusht 2022, 08:43, Kosova & Bota CNA
Përmbytje të furishme në Pakistan/ Mbi një mijë
Foto ilustruese

Më shumë se 33 milionë banorë, ose një në shtatë pakistanezë, janë prekur nga përmbytjet dhe gati një milion shtëpi janë shkatërruar ose dëmtuar rëndë në Pakistan.

28 persona të tjerë kanë humbur jetën gjatë 24 orëve të fundit, duke e çuar në 1061 numrin e viktimave sipas të dhënave të fundit të NDMA.

Autoritetet janë ende duke u përpjekur të arrijnë në fshatra të izoluara në zonat malore në veri të vendit aziatik, që do të thotë se numri mund të bëhet edhe më i rëndë.

NDMA gjithashtu raportoi se mbi 800,000 hektarë tokë bujqësore janë përmbytur, si dhe 3,400 kilometra rrugë dhe 157 ura.

Musoni, i cili zakonisht zgjat nga qershori deri në shtator, është thelbësor për ujitjen e të korrave dhe rimbushjen e burimeve ujore të nënkontinentit indian. Por me të, pothuajse çdo vit, vijnë shumë tragjedi dhe fatkeqësi. /CNA.al

Lajmet e fundit nga