web counter
LEXO PA REKLAMA!

SHKARKO APP

App Store
Google Play

Përkujtimore për policët e Kosovës të rënë në detyrë/ Kurti: U sakrifikuan për mbrojtjen e sigurinë

26 Korrik 2025, 16:43, Kosova & Bota CNA

Përkujtimore për policët e Kosovës të rënë

Kryeminstri i Kosovës, Albin Kurti ishte sot i pranishëm në ceremoninë përkujtimore të policëve të rënë në detyrë.

Përmes një postimi në rrjetet sociale, Kurti thekson se në këtë ditë kujtohen veçanërisht dy Heronjtë e Kosovës, Enver Zymeri dhe Afrim Bunjaku, profesionalizmi dhe heroizmi i të cilëve është përkthyer në vendosmëri dhe përgjegjësi për të gjithë.

“24 policët e Kosovës, nga Lazim Rexhepi në vitin 2001 deri te Muhamed Lika në vitin 2025, që ia kushtuan jetën e tyre shërbimit ndaj vendit dhe qytetarëve tanë dhe u sakrifikuan në mbrojtje të Republikës sonë, të paqes e sigurisë, meritojnë gjithë respektin tonë dhe duhet t'i përkujtojmë vazhdimisht. I nderojmë duke i vizituar aty ku ata pushojnë përjetësisht, i lartësojmë duke punuar çdo ditë për zhvillim të vendit, mirëqenie të qytetarëve dhe siguri të Republikës.

E sot në 14-vjetorin e rënies heroike të Enver Zymerit, mbi 300 pjesëmarrës do të bëjnë ecje në shtigje të gjata, çiklizëm e motoçiklizëm, e deri te kajakim në liqenin e Ujmanit.

Lavdi veprës së Enver Zymerit, Afrim Bunjakut dhe të gjithë policëve të rënë në detyrë!”,-shkruan Kurti./CNA





Lajmet e fundit nga