web counter
LEXO PA REKLAMA!

SHKARKO APP

App Store
Google Play

Përfshiu fëmijët në vrasjen e bashkëshortit/ Dënohet me 50 vite burg ish zyrtarja

14 Nëntor 2022, 19:25, Kosova & Bota CNA
Përfshiu fëmijët në vrasjen e bashkëshortit/
Ish zyrtarja e lartë braziljane, Flordelis dos Santos de Souza

Ish zyrtarja e lartë braziljane, Flordelis dos Santos de Souza, është shpallur fajtore për vrasjen e bashkëshortit të saj Anderson do Carmo.

Ajo është dënuar me 50 vjet e 28 ditë burg dhe bashkëfajtorë janë edhe disa nga fëmijët e çiftit.

Dos Santos dhe Do Carmo kishin fituar famë në Brazil për shkak se kishin birësuar fëmijë nga lagjet më të varfëra të Rio De Janieros, rreth 55 fëmijë.

Vajza e ish-zyrtares është dënuar me 31 vite burg për vrasjen e babait të saj, ndërkohë që edhe një nga djemtë është dënuar me 33 vite burg si bashkëpunëtor në krim e (e kishte njerk viktimën).

Vrasja e Do Carmo tronditi Brazilin ku u gjet i vdekur jashtë shtëpisë së tij në Rio De Janeiro. Dos Santos pretendoi në atë kohë se disa grabitës të armatosur me motoçikleta i kishin ndjekur dhe sulmuan të shoqin.

Por hetimet e policisë më vonë implikuan dos Santos në vrasjen e burrit të saj në bashkëpunim me disa nga fëmijët e tyre.

Prokurorët brazilianë e akuzuan atë për “orkestrimin e vrasjes duke bindur fëmijët të merrnin pjesë në krim dhe duke u përpjekur ta paraqiste atë si një grabitje të armatosur”./ CNA.al





Lajmet e fundit nga