web counter
LEXO PA REKLAMA!

SHKARKO APP

App Store
Google Play

Një takim romantik zbuloi vendndodhjen e baronit meksikan të drogës “El Mencho”

24 Shkurt 2026, 13:22, Kosova & Bota CNA

Një takim romantik zbuloi vendndodhjen e baronit meksikan të

Një informacion për një takim romantik çoi autoritetet meksikane te vendndodhja e baronit të drogës Nemesio “El Mencho” Oseguera Cervantes, i njohur si kreu i kartelit CJNG, i cili u vra në një operacion në shtetin e Jalisco në Meksikë.

Autoritetet nuk e ndoqën gjurmën e parave apo të drogës, por partneren e tij romantike, e cila ishte pjesë e informacionit që çoi drejt tij.

Operacioni nisi kur shërbimet sekrete meksikane identifikuan një burrë që ishte i lidhur me një prej të dashurave të Menchos dhe e çuan atë tek Mencho në Tapalpa, një zonë malore në Jalisco.

Të dielën, forcat speciale u përpoqën ta arrestojnë, por u zhvilluan luftime të ashpra dhe Mencho u plagos rëndë bashkë me dy rojet e tij. Ata u kapën dhe u transportuan me helikopter drejt një qendre mjekësore, por ndërruan jetë gjatë rrugës.

Gjatë trazirave që pasuan vdekjen e tij, forcat e sigurisë raportuan rreth 70 të arrestuar dhe 34 anëtarë të dyshuar të kartelit të vrarë, përfshirë edhe pjesëtarë të Gardës Kombëtare.

Autoritetet panë helikopterë, dronë dhe një avion të vogël mbi Tapalpa, ndërsa qyteti u përfshi nga trazirat dhe rrugët u bllokuan.

Ka frikë për një valë të re dhune në Meksikë pas eliminimit të një prej udhëheqësve më me ndikim të krimit të organizuar.

Kush ishte “El Mencho”?

Nemesio Oseguera Cervantes, i njohur si “El Mencho”, ishte kreu i Kartelit të Ri të Gjeneratës së Jalisco (CJNG), një nga organizatat kriminale më të fuqishme dhe më të kërkuara për trafik droge, dhunë dhe aktivitete të tjera kriminale në kryqytetin Meksiko dhe më gjerë./CNA





Lajmet e fundit nga