web counter
LEXO PA REKLAMA!

SHKARKO APP

App Store
Google Play

Nju Jorku përfshihet nga stuhia e dëborës/ Vendoset shtetrrethim i përkohshëm

22 Shkurt 2026, 20:47, Kosova & Bota CNA

Nju Jorku përfshihet nga stuhia e dëborës/ Vendoset shtetrrethim

Kryebashkiaku i Nju Jorkut, Zohran Mamdani, njoftoi të martën një shtetrrethim të përkohshëm në qytetin me tetë milionë banorë, teksa një stuhi e fortë dëbore ka përfshirë qytetin.

"Po shpallim gjendje të jashtëzakonshme dhe po ndalojmë trafikun nga ora 21:00 deri të hënën në mesditë", tha kryebashkiaku në një konferencë për shtyp.

Ai tha se rrugët, autostradat dhe urat e qytetit do të mbyllen për trafikun, por do të lejohen udhëtime të caktuara emergjente dhe të nevojshme.

“Qyteti nuk ka përjetuar mot kaq të ashpër në dhjetë vjet. Për shkak të kushteve ekstreme të motit që priten, me reshje dëbore dhe erëra të forta, të gjitha rrugët do të mbyllen dhe trafiku do të ndalohet për të gjitha makinat, kamionët, motoçikletat dhe biçikletat elektrike”, paralajmëroi Mamdani, duke u bërë thirrje banorëve të shmangin udhëtimet e panevojshme.

Qytete të tjera në lindje të Shteteve të Bashkuara, si Bostoni, po përgatiten gjithashtu për stuhinë që po vjen. Në fund të janarit, një stuhi e fortë dimërore vrau më shumë se 100 njerëz në rajon. /CNA





Lajmet e fundit nga