Zbardhet identiteti i të riut që u vra nga Shërbimi Sekret në Mar a Lago/ Reagon Shtëpia e Bardhë

22 Shkurt 2026, 18:30, Kosova & Bota CNA

Zbardhet identiteti i të riut që u vra nga Shërbimi Sekret

Është zbardhur identiteti i të riut që u qëllua për vdekjë në perimetrin e sigurisë në rezidencën e presidentit amerikan, Donald Trump në Mar a Lago.

Austin T.Martin nga Cameron, Karolina e Veriut, më një pushkë gjahu në dorë hyri në Mar a Lago teksa një klient po dilte. Mediat amerikane raportojnë se familja e Martin e kishte raportuar atë të zhdukur që prej ditës së djeshme

Ndërkohë lidhur me ngjarjen ka ardhur dhe reagimi i parë nga Shtëpia e Bardhë. Sekretarja e Shtypit të Shtëpisë së Bardhë, Karoline Leavitt ka vlerësuar në një postim në “X”, reagimin e shpejtë të Shërbimit Sekret.

Më tej shprehet se oficerët federalë të zbatimit të ligjit punojnë pa ndërprerje për të mbajtur vendin dhe të gjithë amerikanët të sigurt.

“Në mes të natës, ndërsa shumica e amerikanëve flinin, Shërbimi Sekret i Shteteve të Bashkuara veproi shpejt dhe me vendosmëri për të neutralizuar një person të çmendur, të armatosur me një armë dhe një bombolë gazi, i cili hyri me forcë në rezidencën e Presidentit Trump. Oficerët federalë të zbatimit të ligjit po punojnë 24/7 për ta mbajtur vendin tonë të sigurt dhe për të mbrojtur të gjithë amerikanët. Është e turpshme dhe e pamatur që demokratët kanë zgjedhur të mbyllin Departamentin e tyre”, thuhet në reagimin e Leavitt.

In the middle of the night while most Americans were asleep, the United States Secret Service acted quickly and decisively to neutralize a crazy person, armed with a gun and a gas canister, who intruded President Trump’s home. Federal law enforcement are working 24/7 to keep our… https://t.co/MYTsHqR4cx
— Karoline Leavitt (@PressSec) February 22, 2026

Siç u raportua edhe më herët, vetë presidenti Donald Trump nuk ishte në Mar a Lago në momentin e ngjarjes, për shkak se ndodhet në Uashington. /CNA