web counter
LEXO PA REKLAMA!

SHKARKO APP

App Store
Google Play

E fundit!

x

Raundi i ri i negociatave/ Ja kur do të nisin bisedimet mes Rusisë dhe Ukrainës

22 Shkurt 2026, 21:50, Kosova & Bota CNA

Raundi i ri i negociatave/ Ja kur do të nisin bisedimet mes Rusisë dhe

Një raund i ri negociatash që përfshin delegacionet ukrainase dhe ruse do të zhvillohet brenda tre javësh dhe potencialisht mund të çojë në një samit në nivelin më të lartë, tha i dërguari special i SHBA-së, Steve Witkoff këtë të dielë.

Witkoff tha se Ukraina dhe Rusia janë të angazhuara në një “luftë qesharake” për territor, por shpreson se propozimet e tij dhe Kushner do të rezultojnë në një samit.

“Unë dhe Jared Kushner shpresojmë se kemi vënë në tryezë disa propozime për të dyja palët që do t’i bashkojnë ato në tre javët e ardhshme dhe ndoshta edhe do të rezultojnë në një samit midis Presidentit ukrainas Volodymyr Zelensky dhe Presidentit Putin. Mund të përfundojë në një takim trepalësh në një moment me Presidentin Donald Trump. Do të duhet ta shohim”, tha ai.

Sipas Witkof, Trump nuk dëshiron të marrë pjesë në një takim nëse nuk mendon se mund të arrijë rezultatin më të mirë. Ai shprehu gjithashtu shpresën se bota mund të dëgjonte “lajme të mira” për këtë çështje në javët e ardhshme.

Ndërkohë, Zelensky më parë tha se raundi i ardhshëm i bisedimeve të paqes duhet të zhvillohet në Gjenevë brenda dhjetë ditësh. Më 18 shkurt, përfunduan në Gjenevë bisedimet në një format trepalësh që përfshinin përfaqësues të Ukrainës, Shteteve të Bashkuara dhe Rusisë. /CNA





Lajmet e fundit nga