web counter
LEXO PA REKLAMA!

SHKARKO APP

App Store
Google Play

E fundit!

x

"Nëse lufta do të vazhdonte ende do të isha ushtar"/ Selimi: Kurdo që të kthehem, do të kthehem në Kosovën e lirë

18 Shkurt 2026, 15:15, Kosova & Bota CNA

"Nëse lufta do të vazhdonte ende do të isha ushtar"/

Ish-themeluesi i UÇK-së, Rexhep Selimi, në fjalën e mbajtur në ditën e fundit të gjyqit ka deklaruar se ka mbajtur armë gjatë luftës pasi ishin mjet mbijetese.

Selimi tha se UÇK nuk ishte një parti politike, por ishte një ushtri çlirimtare. Më tej, Selimi u shpreh se nëse lufta do të vazhdonte dhe sot e kësaj dite ai do të vijonte ende të ishte ushtar i UÇK-së në mbrojtje të atdheut.

Duke u ndalur te pretenca e prokurorisë, Selimi u shpreh se ZPS kërkon dënime aq të gjata, sa synojnë të ndalojnë përgjthmonë kthimin e ish-krerëve të UÇK-së në Kosovë.

Selimi deklaroi se prokuroria duhet të kuptojë që kurdo të kthehet në Kosovë, ai do të kthehet në Kosovën e lirë, për të cilën u shpreh krenar që i ka dalë zot dhe është i gatshëm të japë dhe jetën për lirinë e atdheut të tij.

Ish-kreu i UÇK-së deklaroi se drejtësia që nuk mbështetet mbi të vërtetën lëndon për herë të dytë viktimat e luftës.

 

 

“Po kam mbajtur armë, se ishin mbijetesë. Ne kërkuam ndihmë dhe armë dhe nga vendet mike. UÇK nuk ishte parti politike, ishte ushtri çlirimtare. Dhe nëse lufta do të vazhdonte deri sot, unë ende do të isha ushtar i atdheut tim, nëse nuk do të isha vrarë. Jam i bindur që bëmë gjënë e duhur. Liria dhe demokracia arrihen duke u përballur me agresionin. Ndaj dhe NATO na mbështeti. ZPS në dosjen e saj përfundimtare kërkon dënime aq të gjata sa synojnë të na ndalojnë përgjithmonë kthimin në vendin tonë. Prokuroria duhet ta kishte kuptuar se kurdo që të kthehem unë do të kthehem në Kosovën e lirë, për të cilën jam krenar që i kam dalë zot, për lirinë e së cilës kam qenë dhe jam i gatshëm të jap dhe jetën.

Jam i bindur se dhe ju do të luftonit për vendet tuaja. Gjatë luftës ndodhin shumë gjëra, ka frikë dhe dhimbje të akumuluar nga vite të tëra. Lufta gjithmonë lë pasoja dhe viktimat e saj. Pikërisht këto viktima kanë nevojë për drejtësi të mbështetur mbi të vërtetën. Drejtësia që nuk mbështetet mbi të vërtetën i lëndon për herë të dytë.

Jam besimplotë se drejtësia dhe vetëm drejtësia do të na kthejë në atdhe ne që jemi këtu të akuzuar. Falënderoj qytetarët tanë që besojnë në pafajësinë tonë. Ato pranga tani nuk rëndojnë më ndaj Kosovës ashut siç kanë rënduar gjatë kohës që ishin nën pushtimin e egër”, tha Selimi.





Lajmet e fundit nga