web counter
LEXO PA REKLAMA!

SHKARKO APP

App Store
Google Play

Gjyqi në Hagë/ Konjufca: Gjykata po përpiqet të shtrembërojë historinë, e drejta do të dalë në dritë

18 Shkurt 2026, 08:53, Kosova & Bota CNA

Gjyqi në Hagë/ Konjufca: Gjykata po përpiqet të

Zëvendëskryeministri i Kosovës, Glauk Konjufca, është i pranishëm ditën e sotme në gjyqin ndaj ish-krerëve të UÇK-së në Hagë.

Konjufca bëri një prononcim për mediet përpara nisjes së seancës, ku tha se nuk ka asnjë gjykatë apo institucion të ndryshojë faktin që lufta e Kosovës ishte e drejtë dhe e pastër.

Më tej, Konjufca u shpreh se Gjykata Speciale po përpiqet të shtrembërojë historinë dhe baza mbi të cilën u ndërtua gjykata, raporti i Dick Marty-t doli një mashtrim.

Zëvendëskryeministri tha se UÇK nuk ishte ndërmarrje kriminale dhe kjo e vërtetë ka për të dalë në dritë, duke u kurorëzuar me lirimin e ish-krerëve të UÇK-së.

 

“Lufta jonë ishte e drejtë dhe e pastër. Këtë të vërtetë nuk ka asnjë institucion ta ndryshojë, asnjë gjykatë. Çka po përpiqet të ndodhë brenda kësaj gjykate është shtrembërimi i historisë. Baza mbi të cilën u ndërtua kjo gjykatë, raporti i Dick Marty-t doli një mashtrim. Një grup deputetësh është drejtuar me kërkesën për trajtimin e masakrës së Dubravës. I ka shkuar si kërkesë gjykatës, por kurrë nuk trajtoi asnjë krim të Serbisë. Nuk kishte ndërmarrje në UÇK, kjo ishte e vërteta dhe kjo e drejtë ka për të dalë në dritë. UÇK është krijuar në zemër të popullit të Kosovës, nuk është krijuar nga askush nga lart. Kjo do të kurorëzohet me lirimin e ish-krerëve të UÇK-së dhe kthimin e tyre në Kosovë. Vetë personi që qëndron pas këtyre aktakuzave ka probleme me drejtësinë. Kjo për ne është e mjaftueshme dhe tregon joseriozitetin e personit që insistonte në këto aktakuza. Shpresojmë që verdikti të jetë në anën e duhur të historisë”, tha Konjufca./CNA





Lajmet e fundit nga